SAN JUAN 18:36 - Nuevo Testamento en Quichua Cañar 1996

³⁶ Shina nicpi Jesusca: —Ñuca mandanaca mana cai pachapichu. Cai pachapi mandana cacpica, ñucata c'aticcunaca macanacushpa, israelcuna japichunca mana saquinmanchu. Ñuca mandanaca mana caipichu— nirca.

Dios Rimashcata Quillcashcami

³⁶ Shina nicpimi Jesusca: —Ñuca mandanaca mana cai pachapichu. Cai pachapi mandana cacpica, ñucata caticcuna macanacushpa, israelcuna japichun mana saquinmanchu. Ñuca mandanaca mana caipichu— nirca.

SAN JUAN 18:36 ပူးပေါင်းရင်းမြစ်များ

SAN MATEO 26:53

Cunanllatac ñuca Taitaman huaranga huaranga angelcunata ñucata huacaichichun mañacpica, cunanllatacmi cachanman. Chaitaca, ¿manachu yachangui?

SAN LUCAS 12:14

Shina nicpimi Jesusca: —Ñucataca cancunapac juez tucushpa chaupichunca, ¿pitac churarca?— nirca.

SAN JUAN 18:35

Shina nicpi Pilatoca: —Ñucaca mana israelchu cani. Cambac llacta gentecunallatacmi curacunata mandac curacunahuan tandanacushpa, ñucapacmanca apamurcacuna. ¿Imatatac ruhuarcanguiyari?— nishpa tapurca.

SAN JUAN 6:15

Jesusca gentecuna paicunata mandachun pushagricushcata yachashpami, cutinllatac urcupi pailla cangapac rirca.

SAN JUAN 8:15

Cancunaca gentecuna yuyashca shinami, pitapish juchanchinguichic. Ñucaca pitapish mana juchanchinichu.

ROMANOS 14:17

Taita Dios mandacucpi causanaca mana ubianata, micunata yuyashpalla causanachu, ashtahuanpish cashcata ruhuashpa, mana p'iñanacushpa, Diospac Espíritu yuyaita cushca shina cushicushpa causanami can.

1 TIMOTEO 6:13

Cantaca tucui cai pachapi causaita cuc Taita Diospac ñaupapi, shinallatac mandac Pilatoman cashcata nishpa allitac huillac Jesucristopac ñaupapimi, caicunataca mandani.