SAN JUAN 16:4 - Nuevo Testamento en Quichua Cañar 1996

⁴ Chai punzhacunapi ñuca ña utcaman nishcata yuyarichunmi, cashnaca nicuni. Ñuca cancunahuan cashcamantami, callaripica caicunataca manarac huillarcani.

Dios Rimashcata Quillcashcami

⁴ Caicunataca chai punzhacuna shamucpi, ñuca utcaman nishcata yuyarichunmi nicuni. Ñuca cancunahuan cashcamantami, caicunataca callaripica mana huillarcani.

SAN JUAN 16:4 ပူးပေါင်းရင်းမြစ်များ

SAN MATEO 10:7

Cancuna rishpaca: ‘Jahua pacha Taita Diosca ñami mandagrin’ nishpa huillanguichic.

SAN MATEO 24:25

Ñucaca imalla tucuna cashcataca ñami cancunaman huillani.

SAN MATEO 9:15

Chashna tapucpi Jesusca: —Bodapi caccunaca Novio paicunahuan cacpica, ¡maitatac llaquilla cangacunayari! Ashtahuanpish Novio illaclla cana punzhacunami chayamucun. Chai punzhapimi ayunangacuna.

MARCOS 13:23

Ashtahuanpish cancunaca alli yuyaihuan puringuichic. Ñucaca imalla tucuna cashcataca, ñami cancunamanca huillani.

MARCOS 2:19

Chashna tapucpimi Jesusca: —Bodapi caccunaca Novio paicunahuan cacpica, ¿ayunangachu? Novio paicunahuan cacpica, ¡maitatac ayunangayari!

SAN LUCAS 1:2

Chai tucui imalla tucushcata callarimanta quiquin ñahuihuan ricushpa, alli huillaita huillashpa puriccunami, ñucanchicmanca alli yachachircacuna.

SAN JUAN 13:19

Caicuna pactacpi, ñuca pi cashcata cancuna crichunmi, utcaman caicunataca huillacuni.

SAN JUAN 14:29

Ima tucushcata ricushpa ñucata crichunmi, utcaman caicunataca nicuni.

HECHOS 9:16

Pai ima shina ñucamanta llaquicunata apana cashcataca, ñucallatacmi ricuchisha— nirca.

2 TESALONICENSES 2:5

Ñuca cancunahuan cashparac cai shina huillashcataca, ¿manachu cancunaca yuyaringuichic?

2 PEDRO 1:14

Ñucanchic Apunchic Jesucristoca ñuca cai pachata saquishpa, utca huañuna cashcatami yachachirca.