SAN JUAN 13:4 - Nuevo Testamento en Quichua Cañar 1996

⁴ Micucushcamanta jatarishpami, Jesusca jahualla churanata anchuchishpa, shuc liensota chumbillishcapi churarca.

Dios Rimashcata Quillcashcami

⁴ Chaimanta jatarishpami, Jesusca jahualla churanata anchuchishpa, shuc lienzota cinturapi churarca.

SAN JUAN 13:4 ပူးပေါင်းရင်းမြစ်များ

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

SAN LUCAS 17:7

Maijan cancuna shuc servicta charishpaca, pai yapushpa, mana cashpaca michishpa cutimucpica: ‘Shamui, ña micungapac tiyarilla’ mana ninguichicmanchu.

SAN LUCAS 17:8

Chashna ninapac randica: ‘Utca mudarishpa, micunata ruhuashpa, ñucamanrac carai, ubiachi, chai q'uipa canca micunguillami, ubianguillami’ ninguichicmanmi.

SAN LUCAS 22:27

¿Maijantac punta alli nishcaca canga? ¿Mizapi micungapac tiyaricchu canga? Mana cashpaca, ¿micunata servicchu canga? Micungapac tiyaricmari, ashtahuan punta alli nishcaca can. Chashna cacpipish ñucaca servic shinallami cancunahuanca cani.

SAN JUAN 13:12

Chaquita ña jahuashca q'uipaca churanata churarishpami, cutin mizapi tiyarishpa Jesusca cashna nirca: —¿Cancunaca imamantatac chashna ruhuashcataca entendinguichic?

2 CORINTIOS 8:9

Ñucanchic Apunchic Jesucristo mai c'uyac cashcataca, cancunaca ña yachanguichicmi. Paica achcata charic cashpapish, cancunamantami imata mana charic huaccha tucurca. Chai shina huaccha tucushcamantami, cancunaca achcata chariccuna shina tucunguichic.

1 JUAN 3:11

“Caishuc chaishuchuan c'uyanacuichic” nishpa huillashcataca, callarimanta pachami cancunaca ña uyashcanguichic.