SAN JUAN 12:44 - Nuevo Testamento en Quichua Cañar 1996

⁴⁴ Jesusca sinchihuanmi cashna nirca: —Maijanpish ñucata cricca mana ñucallatachu crin, ashtahuanpish ñucata cachac Taitatapish crinmi.

Dios Rimashcata Quillcashcami

⁴⁴ Jesús sinchita rimashpaca: —Maijanpish ñucata cricca mana ñucallatachu crin, ashtahuanpish ñucata cachac Taitatami crin.

SAN JUAN 12:44 ပူးပေါင်းရင်းမြစ်များ

SAN MATEO 10:40

Maijanpish cancunata chasquicca, ñucatami chasquin. Shinallatac ñucata chasquicca, ñucata cachac Taita Diostami chasquin.

MARCOS 9:23

Shina nicpimi Jesusca: —¿Canca ima nishpatac ‘ima shinapish allichi pudishpaca’ ninguiyari? Maijanpish tucui shunguhuan crishpaca, imatapish ruhuai pudinguichicmi— nirca.

MARCOS 9:37

—Maijanpish ñuca shutipi shuc huahuata cai huahuata shina chasquicca, ñucatami chasquin. Shina chasquishpaca, mana ñucallatachu chasquin, ashtahuanpish ñucata cachac Taitatapish chasquinmi— nirca.

SAN JUAN 11:43

Chaita nishca q'uipaca: —¡Lázaro, chaimanta llucshi!— nishpami, sinchita caparirca.

SAN JUAN 13:20

Maijanpish ñuca cachashcata chasquicca, ñucatami chasquin. Shinallatac ñucata chasquicca, ñucata cachactami chasquin. Chaica chashnatacmi can— nirca.

SAN JUAN 5:24

Maijanpish ñuca nishcata uyashpa ñucata cachac Taitatapish cricca, huiñai causaita charinmi. Paica huañushcamanta causaiman chimbashca cashcamantami, llaqui pachamanca mana cachashca canga. Chaica chashnatacmi can.

SAN JUAN 7:28

Chaita uyashpaca, Diosman mañana huasi ucupi yachachicushpami Jesusca sinchita cashna nirca: —Ñuca maimanta cashcatapish, pi cashcatapish yachanchicmi nishpami yuyanguichic. Shina cacpipish ñuca quiquinllamantatacca mana shamurcanichu, ashtahuanpish cashcata ruhuac Taita Dios cachacpimi shamurcani. Paitaca cancunaca mana ricsinguichicchu.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.