SAN JUAN 1:18 - Nuevo Testamento en Quichua Cañar 1996

¹⁸ Taita Diostaca jaicapi pi mana ricushcachu. Shina cacpipish Taita Dioshuan shuc yuyailla causac, paipac shuclla Churi Diosllatac cashpami, Taita Dios ima shina cashcataca ricuchirca.

Dios Rimashcata Quillcashcami

¹⁸ Diostaca jaicapi pi mana ricushcachu. Ashtahuanpish Dios-huan causac, paipac shuclla Churimi Dios ima shina cashcataca ricsichirca. Paica Diosllatacmi.

SAN JUAN 1:18 ပူးပေါင်းရင်းမြစ်များ

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna.

SAN LUCAS 10:22

Chashnallatacmi Jesusca: —Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna— nirca.

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

SAN JUAN 12:41

Isaiasca Jesuspac sumaimana cashcata ricushcamantami, paimantaca chashna nishpa huillarca.

SAN JUAN 13:23

Yachacuccunapuramanta Jesuspac shuc c'uyashca yachacucmi paihuan quimirishpa tiyacurca.

SAN JUAN 14:9

Shina nicpimi, Jesusca cashna nirca: —Felipe, ña unaitami cancunahuanca cani. ¿Chashna cashca jahuachu ñucataca mana ricsingui? Maijanpish ñucata ricucca ñuca Taitatapish ricunmi. ¿Ima nishpatac ñuca Taitataca ricuchi ningui?

SAN JUAN 17:26

Can ñucata c'uyac shinallatac paicunapish c'uyanacuchun, shinallatac ñucahuan shuc shinalla cachunmi, can ima shina cashcataca ricsichini, shinallatac ricsichishpa c'atishami— nirca.

SAN JUAN 17:6

Can cai pachapi causac gentecunamanta acllashpa ñucaman cushcacunamanca, can ima shina cashcataca huillashcanimi. Cambacmi carcacuna, shinallatac canmi ñucaman curcangui. Paicunaca can rimashca shimitaca cazushcacunami.

SAN JUAN 3:11

Ñucanchicca imatapish yachashcatami ninchic, shinallatac imata ricushcatami huillanchic. Shina cacpipish, ñucanchic ima nishcataca mana cringuichicchu. Chaica chashnatacmi can.

SAN JUAN 6:46

Taita Diostaca pipish mana ricushcachu, ashtahuanpish Taita Diospacmanta shamushca ñucallami ricurcani.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

COLOSENSES 1:15

Cristota ricushpami, pi mana ricushca Taita Diostaca ricunchic. Paica imapish manarac tiyacpi, ña tiyashca Taita Diospac Churimi.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Taita Diostaca, huiñai huiñaita “allimari cangui, sumacmari cangui” nishunchicyari! Chashna cachun.

1 TIMOTEO 6:16

Paillami huiñaita causacca. Paica pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

1 JUAN 4:12

Taita Diostaca jaicapi pipish mana ricushcachu. Shina cacpipish caishuc chaishuchuan c'uyanacushpa causacpica, Taita Diosca ñucanchichuanmi causan. Chashna c'uyanacushpami, Dios c'uyac cashcataca ashtahuan ricuchinchic.

1 JUAN 4:20

Maijanpish “Diosta c'uyanimi” nishpapish, shuc cricta p'iñacca llullacmari. Paica ñahuihuan ricushca cricta mana c'uyashpaca, ¿ima shinatac mana ricushca Diostaca c'uyangayari?

1 JUAN 4:9

Ñucanchic paimanta huiñai causaita charichunmi, Taita Diosca paipac shuclla Churita cai pachaman cachashpa, pai c'uyac cashcataca ricuchirca.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.