SAN JUAN 1:14 - Nuevo Testamento en Quichua Cañar 1996

¹⁴ Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

Dios Rimashcata Quillcashcami

¹⁴ Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN JUAN 1:14 ပူးပေါင်းရင်းမြစ်များ

SAN MATEO 1:16

Jacoboca Josepac taitami carca. Joseca Mariapac cusami carca. Mariaca Jesuspac mamami carca. Jesusca Quishpichic Cristomi can.

SAN LUCAS 2:11

Cunanmi David huacharishca Belén pueblopica, gentecunata Quishpichic huacharishca. Paimi tucuita Mandac, Quishpichic Cristo.

SAN LUCAS 2:7

Pozana huasi mana pactashcamantami, paipac punta c'ari huahuataca huagracuna shayana ucullapi sajuarirca. Chai huahuataca maitushpa, ucsha jahuallapimi sirichirca.

SAN LUCAS 9:32

Pedroca paihuan caccunandic suiñunaihuan huañucushpapish mana suiñushpami, Jesús chashna sumaimana achiclla tucuctapish, shinallatac paihuan parlanacucuc ishcai runacunatapish ricucurcacuna.

SAN JUAN 1:1

Taita Dios cai pachata manarac ruhuacpimi, Rimashca Shimica ña tiyarca. Chai Rimashca Shimica Dioshuanmi carca. Shinallatac chai Rimashca Shimica Diosllatacmi carca.

SAN JUAN 11:40

Shina nicpi Jesusca: —‘Can crishpaca, Taita Dios imatapish ruhuaclla cashcataca ricunguimi’ nishpa, ¿manachu nircani?— nirca.

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

SAN JUAN 14:9

Shina nicpimi, Jesusca cashna nirca: —Felipe, ña unaitami cancunahuanca cani. ¿Chashna cashca jahuachu ñucataca mana ricsingui? Maijanpish ñucata ricucca ñuca Taitatapish ricunmi. ¿Ima nishpatac ñuca Taitataca ricuchi ningui?

SAN JUAN 17:22

Canca ñucata sumacyachishcanguimi. Ñucanchic ima shinami shuc shinalla canchic, chai shinallatac paicunapish shuc shinalla cachunmi paicunatapish ñucaca sumacyachini.

SAN JUAN 17:24

Taitalla, cai pacha manarac tiyacpimi, ñucataca c'uyashpa sumacyachishcangui. Chaimantami can cushcacunaca ñuca sumacyachishca cashcata ricuchunca, ñuca maipimi cani chaillapitac paicunapish cachun munani.

SAN JUAN 18:37

Chaita uyashpami Pilatoca: —Shinashpaca, ¿canca mandacchu cangui?— nicpi Jesusca: —Can nishca shinallatacmi cani. Ñucaca cashcata huillangapacmi cai pachapi huacharingapac shamurcani. Cashcata rimashcata cazuccunallami, ñuca rimashcata uyancuna— nirca.

SAN JUAN 2:11

Galilea llactapi tiyac Caná pueblopi Jesús chashna ruhuashpami, pipish mana ruhuaipaccunataca ruhuanata callarirca. Chashna ruhuashpami, paica pi mana ruhuaipaclla cashcata ricuchirca. Chashna ruhuacpimi, paipac yachacuccunaca pai Diosmanta shamushca cashcata crircacuna.

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

SAN JUAN 3:18

Maijanpish Diospac Churita crictaca llaqui pachamanca mana cachangachu, ashtahuanpish paipac shuclla Churita mana crictami, pai mana crishcamanta llaqui pachamanca cachanga.

SAN JUAN 6:51

Ñucami jahua pachamanta shamushca, huiñai causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

SAN JUAN 8:32

Chai rimashcaca cashcata nic cashcatapish ricsinguichicmi. Chai cashcata nic rimashcami huatashca shina caccunataca cacharichinga— nirca.

HECHOS 13:33

Jesusta causachishpa ñucanchicman cushpami, Taita Dios chai cusha nishcataca pactachishca. Chaimantami Taita Diosca q'uipa Salmopica: ‘Canca ñuca Churimi cangui. Cunanca ñuca Huahuatacmi cangui’ nin.

ROMANOS 8:3

Taita Diosmi paipac shuclla Churita juchayuc gentecunapac randi runa tucushpa, llaquita apashpa, juchacunamanta Diosman cushca shina huañuchun cacharca. Moisés mandashcacunata gentecunapac munaillamanta mana pactachipac cacpimi, chashnaca ruhuarca. Chai shina ruhuashpami, gentecunapi tiyac juchataca tucui chingachirca.

ROMANOS 9:5

Paicunaca ñucanchic ñaupa taitacunapac huahua huahuacunami can. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

1 CORINTIOS 15:47

Puntaman Taita Dios ruhuashca Adanca allpallamantami carca. Chaipac q'uipa Adanmi, jahua pachamanta shamushca carca.

2 CORINTIOS 12:9

Shina mañacpipish Apunchic Jesusca: “Chashna llaquicunata apacushpapish, ñuca c'uyashcamantaca cushicuilla. Ñuca imatapish ruhuaclla cashcaca, can imatapish mana ruhuaipac cacpimi alli ricurin” nircami. Chaimanta Cristo imatapish ruhuaclla cashca ñucapi ricurichunmi, ñucaca imatapish mana ruhuaipac laya canata munani.

GÁLATAS 4:4

Shina cacpipish cachana punzha pactacpimi, Taita Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

COLOSENSES 1:19

Taita Diosca paipac Churi pai ima shina cashca shinallatac cachunmi munarca.

COLOSENSES 2:3

Diosmanta sumac yachaicunatapish, alli yuyaicunatapish paillatacmi charicun.

COLOSENSES 2:9

Taita Dios ima laya cashcataca, runa tucushca Cristopimi tucui ricurin.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

HEBREOS 1:3

Diospac Churica Dios ima shina sumaimana achiclla cashcatami ricuchicun. Diosca Pai shinallatacmi can. Diospac Churica tucui ima tiyashcatapish, paipac imatapish ruhuaclla cashca rimashcahuanmi mandacun. Paica ñucanchic juchata p'ichashca q'uipami, jahua pacha Taita Dios maipi mandacucpi alli maquiman tiyarigrirca.

HEBREOS 1:5

Taita Diosca maijan angelcunatapish: “Canca ñuca Churimi cangui, cunanca ñuca Huahuatacmi cangui” nishpaca, jaicapi mana nishcachu. Shinallatac maijan angelmantapish: “Ñucaca paipac Taitami cani, paica ñuca Churimi can” nishpaca, jaicapi mana nishcachu.

HEBREOS 10:5

Chashna cashcamantami Apunchic Jesusca cai pachaman shamushpaca, Taita Diostaca cashna nirca: “Animalcunata canman cushpa huañuchishcatapish, imallata canman cushcacunatapish, mana nircanguichu. Ashtahuanpish runa tucuchunmi, ñucataca allichircangui.

HEBREOS 2:11

Paica Diospacllata ruhuacmi. Paipish, Diospacllata ruhuashcacunapish shuc Taitapac huahuacuna shinami canchic. Chaimantami Jesusca “ñuca huauquicuna, ñuca panicunami canguichic” ninataca, mana pinganachin.

HEBREOS 5:5

Chai shinallatacmi Jesucristoca mana pai quiquinllatac jatun mandac cura tucurca. Ashtahuanpish Taita Diosmi paita alli cachun acllashpaca: “Canca ñuca Churimi cangui, cunanca ñuca Huahuatacmi cangui” nirca.

1 JUAN 4:14

Ñucanchicllatacmi Taita Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

1 JUAN 4:9

Ñucanchic paimanta huiñai causaita charichunmi, Taita Diosca paipac shuclla Churita cai pachaman cachashpa, pai c'uyac cashcataca ricuchirca.

2 JUAN 1:7

Cai pachapica llullashpalla huillaccunaca achcacunami puricuncuna. Paicunaca: “Apunchic Jesucristoca mana runa tucushpachu shamurca” nishpami, llullashpa huillancuna. Chaicunaca Apunchic Jesucristota p'iñaccunami.

APOCALIPSIS 19:13

Paica yahuarpi tiñishca churana churashcami carca. Shinallatac paipac shutica Dios Rimashca Shimimi carca.

APOCALIPSIS 21:3

Mandashpa tiyarinamanta sinchita shuc rimashca uyarishpaca: —Cunanca Taita Diosca gentecunapac chaupipimi causacun. Paicunahuanmi tucui causaipi causanga. Paicunaca Diospac huahuami canga. Paillatacmi paicunahuanca causanga.