HECHOS 8:3 - Nuevo Testamento en Quichua Cañar 1996

³ Ashtahuanpish Sauloca tandanacushca criccunata ima shinapish chingachinata yuyashpami, huasi huasi yaicushpa c'aricuna cachun, huarmicuna cachun, carcelman cachac carca.

Dios Rimashcata Quillcashcami

³ Ashtahuanpish Sauloca tandanacushca criccunata tucui chingachinata munashpami, huasi huasi yaicushpa, caricunatapish, huarmicunatapish, carcelman cachac carca.

HECHOS 8:3 ပူးပေါင်းရင်းမြစ်များ

HECHOS 16:19

Chai huambramanta cullquita japina tucuricpimi, Pablota chai amocunaca Silasndic japishpa, jatun plazapi cac mandaccunapacman aparcacuna.

HECHOS 22:19

Chashna nicpica, cashnami nircani: ‘Apunchic Jesús, ñucaca canta criccunata tandanacuna huasicunapi macachishpa, carcelman apachic cashcataca, tucui mashnami yachancuna.

HECHOS 7:58

Chashna japishpaca, pueblomanta llucchishpami, Estebanta huañuchingapac rumicunahuan shitai callarircacuna. Shina shitacucpimi, Estebanta juchanchishpa huillaccunaca paicunapac jahualla churanacunata surcushpa, Saulo mosoman mingarcacuna.

HECHOS 8:2

Dios yuyailla causac runacunami munai huacashpa, Estebantaca enterrarcacuna.

HECHOS 9:21

Chashna huillacucta uyaccunaca munai mancharinacushpami, paicunapura: —¿Manachu cai runaca Jesuspac shutipi tucui mañaccunata Jerusalenpi llaquichic carca? Cunanpish, curacunata mandac curacunapacman prezu apangapacmi, caimanca shamushca canga— ninacurcacuna.

1 CORINTIOS 15:9

Chaica ñucami, tucui Jesús acllashca huillaccunamanta yalli yangalla cani. Shinallatac Diospaclla cac tandanacushca criccunata mana ricunachishpa llaquichishcamantaca, mana Jesús acllashca huillac nishcapish cana canichu.

GÁLATAS 1:13

Ñuca ñaupaman israelcuna*f** yachachishcata c'aticushpaca, Diospaclla tandanacushca criccunata yallita llaquichishpa, ima shinapish tucuchina yuyaihuan puricushcataca cancunallatac uyashcanguichicmi.

FILIPENSES 3:6

Chaicunata cazuchisha nishpami, tandanacushca criccunataca p'iñashpa llaquichic carcani. Mandashcacunata alli pactachic cacpimi, pipish ñucataca imamanta mana juchanchic carcacuna.

1 TIMOTEO 1:13

Ñaupaca criccunata llaquichishpa, Jesusta p'iñashpa c'amicmi carcani. Shina cacpipish manarac cric cashpa, imata ruhuacushcata mana yachashcamantami, Taita Diosca ñucata llaquirca.

SANTIAGO 2:6

Shina cacpipish cancunaca “imata mana charinchu” nishpami, huacchacunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?