HECHOS 7:8 - Nuevo Testamento en Quichua Cañar 1996

⁸ Shinallatac Taita Diosca Abrahamtaca, paihuan ari ninacushcata pactachingapacca, circuncisionta*f** ruhuashpa ricuchichun nishcami. Chaimantami Abrahamca paipac churi Isaactaca huacharishcamanta pusac punzhapica, circuncisionta ruhuarca. Chashnallatacmi Isaacpish paipac churi Jacobotaca ruhuarca. Jacobopish paipac chunga ishcai churicunataca chashnallatacmi ruhuarca. Chaicunaca ñucanchic ñaupa taitacunami carcacuna.

Dios Rimashcata Quillcashcami

⁸ Diosca circuncisionta ruhuachunmi Abrahamhuan ari ninacurca. Chaimantami Abrahamca paipac churi Isaac pusac punzhata charicpi, circuncisionta ruhuarca. Isaacpish chashnallatacmi paipac churi Jacobotaca ruhuarca. Jacobopish paipac chunga ishcai churicunatapish chashnallatacmi ruhuarca. Chaicunaca ñucanchic ñaupa taitacunami carca.

HECHOS 7:8 ပူးပေါင်းရင်းမြစ်များ

SAN MATEO 1:2

Abrahamca Isaacpac taitami carca. Isaacca Jacobopac taitami carca. Jacoboca Judapac, shinallatac caishuc paipac huauquicunapac taitami carca.

SAN JUAN 7:22

Shina cacpipish Moisesca: ‘Circuncisiontaca*f** ruhuachinami canguichic’ mandashcami. Chaitaca mana Moiseschu mandarca, ashtahuanpish cancunapac ñaupa taitacunami chaitaca ruhuachiccuna carca. Chaitami cancunaca samana punzha cachunpish, c'ari huahuacunataca circuncisionta ruhuachinguichic.

HECHOS 2:29

Caipi tandanacushca Israel*f** huauquicunalla, caillata uyaichic: Ñucanchic ñaupa mandac Davidmantaca, tucui ima shina cashcatami huillagrini. Pai huañucpica, enterrarcacunami. Pai maipi enterrashcatapish yachanchicmi.

ROMANOS 4:10

¿Abrahamtaca manarac circuncisionta ruhuacpichu chasquirca? Mana cashpaca, ¿circuncisionta ruhuashca q'uipachu chasquirca? Chaica manarac circuncisionta ruhuacpimi, Taita Diosca chasquirca.

GÁLATAS 3:15

C'uyashca criccuna, gentecuna ima shina causacushca shinami entendinallata parlagrini: Gentecunapurallapish imata ari nishpaca, shuc quillcatami ruhuachin. Chashna ruhuacpica pipish mana p'aquipac, shinallatac maita mana yallichipacmi can.

GÁLATAS 3:17

Shina cacpica cashnami nini: Taita Diosca Abrahamman cusha nishcataca “pactachishatacmi” nishcami. Chaimantami chuscu pasac quimsa chunga huata q'uipa Moisesman mandashcacunata cushpapish, Taita Diosca pai ari nishcataca mana chingachishpa, pai cusha nishcatapish mana yangallapi churashca.

HEBREOS 7:4

Chashna cashcamanta cunanca Melquisedectaca, mai jatun cashcatami ricunchic. Ñucanchic quiquin taita Abraham mandaccunahuan macanacushpa mishashpaca, chungamanta shuctami Melquisedecmanca curca.