HECHOS 7:60 - Nuevo Testamento en Quichua Cañar 1996

⁶⁰ Esteban cungurishpaca: “¡Apunchic Jesús, paicuna cashna mana allita ruhuacushcataca, ama yuyaringuichu!” nishpami, sinchita caparirca. Chashna nishpaca huañurcallami.

Dios Rimashcata Quillcashcami

⁶⁰ Esteban cungurishpaca: «¡Apunchic Jesús, paicuna cai mana allita ruhuashcamanta ama juchanchinguichu!» nishpami caparirca. Chashna nishpaca huañurcallami.

HECHOS 7:60 ပူးပေါင်းရင်းမြစ်များ

SAN MATEO 27:52

Shinallatac huañushcacuna enterrashca jutcucunapish pascarircami. Chashna pascaricpica, Diospaclla caccunaca achcacunami causarircacuna.

SAN MATEO 5:44

Ashtahuanpish ñucaca cashnami nini: Cancunata p'iñaccunata c'uyaichic, shinallatac cancunata llaquichiccunamanta Taita Diosman mañaichic.

SAN LUCAS 22:41

Chashna nishpa yachacuccunapacmanta ashata caruyashpaca, Taita Diosman mañangapacmi cungurirca.

SAN LUCAS 23:34

Chashna chacatacpipish Jesusca: —Ñuca Taitalla, perdonai. Cai gentecunaca ima ruhuacushcata mana yachancunachu— nirca. Cutin soldadocunaca Jesuspac churanacunata japinacungapacca, suertetami ruhuarcacuna.

SAN LUCAS 6:28

Cancunata llaqui tucuchun niccunamanpish, Taita Dios allicunata cuchun ninami canguichic. Shinallatac c'amiccunamantapish Taita Diosman mañanami canguichic.

SAN JUAN 11:11

Chaita nishca q'uipaca Jesusca: —Ñucanchichuan apanacuc Lazaromi suiñushca. Paitami ricchachingapac rigrini— nirca.

HECHOS 13:36

Davidca pai causai punzhacunapi causaccunataca, Dios munashca shinami servirca. Chashna cashpapish paica huañurcami. Chashna huañucpica, paipac ñaupa taitacuna enterrashcapimi enterrarcacuna. Paipac cuerpopish ismurcami.

HECHOS 20:36

Chai tucuita nishca q'uipami, Pabloca tucui paihuan caccunandic cungurishpa, Taita Diosman mañarca.

HECHOS 21:5

Chai q'uipaca, ñucanchic ña chaimanta rigricpimi, tucui criccuna paicunapac huarmicunandic, huahuacunandic chai pueblomanta llucshishpa, yacu patacaman ñucanchichuan shamurcacuna. Chaipica cungurishpami, Taita Diosman mañarcanchic.

HECHOS 9:40

Pedroca tucui chai ucupi caccunata canzhaman llucchishpaca, cungurishpami Taita Diosman mañarca. Chaimanta huañushca huarmita ricungapac tigrarishpaca: —Tabita, jatari— nicpi, chai huarmica ñahuita pascashpa, Pedrota ricushcahuan jatarishpa tiyarircallami.

1 CORINTIOS 11:30

Chaimantami cancunapuramanta taucacuna ungushcacuna, irquiyashcacuna canguichic. Shinallatac maijancunacarin ña huañushcacunami.

1 CORINTIOS 15:18

Chashna cacpica Cristota crishpa, ña huañushcacunapish huiñaita chingarishcami canman.

1 CORINTIOS 15:20

Ashtahuanpish Cristotaca Taita Diosca huañushcacunapuramanta causachircatacmi. Paimi cric huañushcacuna causarina cashcata ricuchishpa, punta causaricca can.

1 CORINTIOS 15:51

Shina cashpapish manarac piman Dios yachachishcatami ricsichisha nini. Mana tucuichu huañushun. Shina cashpapish tucuimi shuctacyachishca cashun.

1 CORINTIOS 15:6

Chai q'uipaca pichca pasac yalli criccunamanmi ricurirca. Chaita ricuccunapuramantaca achcacunami causacuncunarac. Cutin maijancunaca ña huañushcacunami.

1 TESALONICENSES 5:10

Causacushpapish, huañushpapish paihuan pacta cachunmi, Jesucristoca ñucanchicmanta huañurca.

2 TIMOTEO 4:16

Juezcunapac ñaupapi punta ñuca rimaricucpica, pi ñucamanta mana rimashpami ñucallata tucui shitashpa rircacuna. Paicuna chashna ruhuashcataca Taita Dios ama yuyarishca canman ninimi.

2 PEDRO 3:4

“¿Apunchic Jesús ‘cutin shamushami’ nishcaca maitacyari? Ñucanchic taitacunapish ña huañurcacunami. Cai pachata Dios ruhuashcamanta pacha, chai shinallatacmi c'aticun” ningacunami.