HECHOS 7:30 - Nuevo Testamento en Quichua Cañar 1996

³⁰ Ña chuscu chunga huatata chai llactapi causashca q'uipami, Moisesca Sinaí urcu cuchulla shitashca pambapi cashpa, shuc zarza yura rupacucta ricurca. Chai yura rupacuc nina chaupipica, shuc angelmi ricurirca.

Dios Rimashcata Quillcashcami

³⁰ Chuscu chunga huatata chai llactapi causacushpami, Moisesca Sinaí urcu cuchulla shitashca pambapi, shuc zarza yura rupacucta ricurca. Chai rupacuc yura chaupipica, shuc angelmi ricurirca.

HECHOS 7:30 ပူးပေါင်းရင်းမြစ်များ

MARCOS 12:26

Zarza yurapi nina rupacuc chaupimanta Taita Dios rimashcata Moisés quillcashcataca, ¿manachu ricushcanguichic? Taita Diosca huañushcacuna causarina cashcamanta huillashpaca, chai yuramantami: ‘Ñucaca Abrahampac, Isaacpac, Jacobopac Diosmi cani’ nishca.

SAN LUCAS 20:37

Rupacuc zarza yuramanta Taita Diosca: ‘Ñucaca Abrahampac, Isaacpac, Jacobopac Diosmi cani’ nishcatami, Moisés quillcashca. Chashna nishpaca, paipish huañushcacuna causarina cashcatami huillashca.

HECHOS 7:17

Taita Dios Abrahamman ‘cai llactatami cusha’ nishpa, huillashca ña pactamugricpica, israelcunaca*f** Egipto llactapica mirarishpami, achca tucurcacuna.

HECHOS 7:31

Chashna ricuricpi Moisesca: ‘¿Imashi canga?’ nishpami, alli ricungapac chayagricucpi Mandac Dios rimashpaca:

HECHOS 7:32

‘Ñucaca cambac taita Abrahampac, Isaacpac, Jacobopac Diosmi cani’ nishcatami uyarca. Chashna nicpimi, Moisesca manchaihuan chucchucushpa, ashtahuan ricungapac cuchuyanataca mana munarca.

HECHOS 7:35

Israelcuna Egiptopica: ‘¿Pitac cantaca ñucanchicta mandac cachun, juez cachunca churarca?’ nishpami, Moisestaca p'iñarcacuna. Ashtahuanpish paicuna p'iñashca Moisesllatatacmi, Taita Diosca zarza yurapi ricuric angelman rimachishpaca, Egipto llactamanta llucchishpa, mandac cachun churarca.

GÁLATAS 4:25

Chai Agar huarmica Arabia llactapi tiyac Sinaí urcutami nisha nin. Shinallatac Agar huarmica Jerusalenpi causaccunapish, tucui israelcunapish*f** cunan punzha ima shina servishpa causacushcatapish ricuchinmi.