HECHOS 6:5 - Nuevo Testamento en Quichua Cañar 1996

⁵ Paicuna chashna nishcaca, tucui criccunapac yuyaipica allimi carca. Chaimantami Estebanta acllarcacuna. Paica Diospac Espirituhuan cashpami, alli cric carca. Chashnallatac Felipeta, Procorota, Nicanorta, Timonta, Parmenasta, israelcuna*f** yachachishcata c'atic, Antioquía pueblomanta Nicolastapish acllarcacuna.

Dios Rimashcata Quillcashcami

⁵ Paicuna chashna nishcaca, tucui criccunapac yuyaipi allimi carca. Chaimantami Estebanta acllarca. Paica Diospac Espirituhuan cashpami, alli cric carca. Shinallatac Felipetapish, Procorotapish, Nicanortapish, Timontapish, Parmenastapish, israelcuna yachachishcata catic, Antioquía pueblomanta Nicolastapishmi acllarca.

HECHOS 6:5 ပူးပေါင်းရင်းမြစ်များ

SAN MATEO 23:15

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunaca shuc c'aticta charingapacllami yacucunata, mai caru llactacunata purishpa mashcanguichic. Chashna tarishpaca, cancunata yalli ucu pachaman rinalla cactami ashtahuan ruhuanguichic.

HECHOS 11:19

Estebanta huañuchishpaca, caishuc criccunatapish llaquichi callaricpimi, maijan criccunaca Fenicia llactamanpish, Chipre llactamanpish, Antioquía pueblomanpish urata janacta miticushpa rircacuna. Paicuna chai llactacunaman rishpaca, quishpirinamanta alli huillaitaca israelcunallamanmi*f** huillarcacuna.

HECHOS 11:20

Chashna cacpipish Chipre llactamanta, Cirene pueblomanta, Antioquía puebloman shamuc maijan criccunaca, mana israelcunamanpish*f** Apunchic Jesusmanta alli huillaitaca huillarcacunallami.

HECHOS 11:22

Jerusalenpi tandanacushca criccuna chaita yachashpaca, Bernabetami Antioquía puebloman cacharcacuna.

HECHOS 11:24

Bernabeca alli runa, alli cric, Diospac Espíritu paipac shungupi junda cacpimi, pai huillacpica achca gentecuna Apunchic Jesusta crircacuna.

HECHOS 11:26

Chaipica huata jundatami achcacunaman yachachishpa, criccunahuan tandanacushpa causarcacuna. Chai pueblopimi criccunataca: “Cristota c'aticcunami” nishpa, punta c'ayai callarircacuna.

HECHOS 11:27

Chai punzhacunapimi, Diosmanta huillaccunaca Jerusalenmanta Antioquía puebloman shamurcacuna.

HECHOS 13:1

Antioquía pueblopi causac tandanacushca criccunapurapica, Diosmanta huillaccunapish, yachachiccunapish tiyarcami. Paicunapurapica Bernabepish, Niger nishca Simonpish, Cirene pueblomanta Luciopish, Galilea llactata mandac Herodeshuan huiñac Manaenpish, Saulopish carcami.

HECHOS 15:22

Shina nishcaca Jesús acllashca huillaccunamanpish, criccunata pushaccunamanpish, tandanacushca tucui criccunamanpish allimi carca. Chaimantami tucui criccuna c'uyashca Barsabás nishca Judastapish, Silastapish Pablohuan, Bernabehuan Antioquía puebloman richun acllarcacuna.

HECHOS 2:4

Chashna tiyarishpami, tucui chaipi caccunapac shunguman Diospac Espíritu shamushpa, paicunata rimachicpi, ch'ican ch'ican rimaicunata rimai callarircacuna.

HECHOS 21:8

Cayandic punzha ñucanchic chaimanta rishpaca, Cesarea pueblomanmi chayarcanchic. Chaiman chayashpaca, alli huillaita huillac Felipepac huasiman rishpami, chaipi saquirircanchic. Paica criccunata ayudac cachun, canchiscunata acllashcapuramantami carca.

HECHOS 22:20

Canmanta huillac Estebanta yahuarsapata ruhuashpa huañuchicucpipish, huañuchiccunapac churanacunata cuidashpa: “Allitami ruhuacunguichic” nishpami shayacurcani’ nircanimi.

HECHOS 6:10

Ashtahuanpish Diospac Espíritu yuyaita cushpa Estebanta rimachicucpimi, chai runacunaca ashtahuan mana rimanacui pudircacuna.

HECHOS 6:3

Chaimanta huauquicuna: Cancunapuramanta alli yachac, alli causac, Diospac Espíritu shungupi junda, canchis runacunata acllaichic. Paicunamanmi micunata chaupichunca, mingashun ninchic.

HECHOS 6:8

Estebanca Dios c'uyashca cashcamantami, imatapish ruhuaclla carca. Chaimantami pi mana ruhuaipaccunatapish, pi mana ricushcacunatapish israelcunapurapica*f** ruhuac carca.

HECHOS 7:1

Curacunata jatun mandac cura Estebanman tapushpaca: —Paicuna canmanta chashna huillashcaca, ¿chashnatacchu, imatacyari?— nirca.

APOCALIPSIS 2:15

Shinallatac chaipica Nicolaitacunapac*f** yachachishcata mana saquinata munaccunatami maijancunataca charicunguichic.

APOCALIPSIS 2:6

Ashtahuanpish Nicolaitacuna*f** ima ruhuashcata p'iñashpaca, allillatami ruhuanguichic. Chaicunataca ñucapish p'iñanillatacmi.