HECHOS 6:12 - Nuevo Testamento en Quichua Cañar 1996

¹² Paicuna chashna llullacpimi, israelcunata cunac yuyaccunapish, mandashcacunata yachachiccunapish, tucui chaipi caccunapish Estebanta p'iñai callarircacuna. Chaimantami paita japishpa, mandaccunapuralla tandanacushcapacman aparcacuna.

Dios Rimashcata Quillcashcami

¹² Paicuna chashna llullacpimi, israelcunata pushac yuyaccunapish, mandashcacunata yachachiccunapish, tucui chaipi caccunapish Estebanta piñai callarirca. Chaimantami paita japishpa, tandanacushca mandaccunapacman aparcacuna.

HECHOS 6:12 ပူးပေါင်းရင်းမြစ်များ

SAN MATEO 26:57

Jesusta japishpaca, curacunata jatun mandac Caifaspac huasimanmi aparcacuna. Chaipica mandashcacunata yachachiccunapish, cunac yuyaccunapish tandanacushcami carcacuna.

SAN MATEO 5:22

Ashtahuanpish ñucacarin cashnami nini: Maijanpish p'iñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish maipish cachun rimactaca, ucu pacha ninaman shitana nishcami canga.

SAN LUCAS 20:1

Shuc punzha Jesusca Diosman mañana huasi ucupi quishpirinamanta alli huillaita huillashpa yachachicucpimi, Israel*f** curacunata mandac curacunapish, mandashcacunata yachachiccunapish, cunac yuyaccunapish chaiman chayarcacuna.

HECHOS 13:50

Ashtahuanpish: “Chai runacunata c'atishpa cachashunchic” nishpami, israelcunaca gentecunapac alli nishca, Diosta yuyaric huarmicunatapish, shinallatac chai pueblota mandaccunatapish cunarcacuna. Chaimantaca Pablotapish, Bernabetapish llaquichishpami, chai llactamantaca llucchishpa cacharcacuna.

HECHOS 14:2

Ashtahuanpish Jesusta mana cric israelcunaca criccunahuan ama apanacuchunmi, mana israelcunaman panda yuyaita curcacuna.

HECHOS 17:13

Tesalónica pueblopi causac israelcunaca Berea pueblopipish Diosmanta Pablo huillacucta yachashpami, chaiman rishpa, paita llaquichingapac chai pueblopi causaccunata jatarichircacuna.

HECHOS 18:12

Galión runa Acaya llactata mandacui punzhacunapimi, israelcunaca tandanacushpa, Pablota japishpa, chai mandacpacman aparcacuna.

HECHOS 21:27

Chai armarina canchis punzhacuna ña tucurinalla cacpimi, Asia llactamanta maijan israelcunaca*f** Diosman mañana huasi ucupi Pablota ricurcacuna. Chaipi cacta ricushpami, tucui chaipi caccunata Pablohuan p'iñanacuchishpa tandachircacuna. Chaimantami paitaca huaicashpa japircacuna.

HECHOS 5:18

Chashna p'iñarishpaca, Jesús acllashca huillaccunataca japishpa, carcelpimi churachircacuna.

HECHOS 5:27

Paicunata ña apamushpaca, mandaccunapuralla tandanacushcacunapac ñaupamanmi chayachircacuna. Chaipica chai curacunata jatun mandac cura paicunata tapushpaca:

HECHOS 6:11

Chaimantami llullachun, shuc runacunaman cullquita cushpaca: “ ‘Ñucanchicca cai runataca Moisestapish, Diostapish c'amishpa rimactami uyarcanchic’ ninguichic” nircacunami.