HECHOS 5:9 - Nuevo Testamento en Quichua Cañar 1996

⁹ Shina nicpi Pedroca: —¿Ima nishpatac ‘Mandac Diosca mana llaquichingachu’ yuyashpa, paipac Espiritumanca llullashun nircanguichic? Riqui, ñami canzha punguta cambac cusata enterraccuna yaicumucun. Cunan cantapish chashnallatacmi apangacuna— nirca.

Dios Rimashcata Quillcashcami

⁹ Shina nicpimi Pedroca: —¿Ima nishpatac Mandac Diospac Espirituman llullanata yuyarircanguichic? Riqui, ñami canzha punguta cambac cusata enterraccuna yaicumucun. Cunan cantapish chashnallatacmi apangacuna— nirca.

HECHOS 5:9 ပူးပေါင်းရင်းမြစ်များ

SAN MATEO 4:7

Chashna nicpimi Jesusca: —Chashnallatac Dios quillcachishcapica: ‘Canta Mandac Taita Diosta ama caita chaita ruhuai nichun’ nicunmi— nirca.

SAN LUCAS 16:2

Chashna yachac chayashpami, amoca chai mayordomota c'ayashpaca: ‘Cantaca, ¿imatachari ruhuacun nictami uyani? Cunanca ñuca charishcacunata imallapi tucuchishcata ricuchi. Ña mana ashtahuan ñuca mayordomo cachun ninichu’ nirca.

HECHOS 15:10

Chaimanta cunanca ñucanchic ñaupa taitacunapish, ñucanchicpish maita mana pactachipac cashcata, cunanlla criccunata chaita pactachichun nishpaca, Taita Diostami p'iñachicunguichic.

HECHOS 5:6

Chashna tucucpica, chaipi cac q'uipa huiñaicunami jatarishpa, Ananías huañushcata pilluchishpa, enterrangapac aparcacuna.

ROMANOS 10:15

Shinallatac quishpirinamanta huillachun pipish mana cachacpica, ¿ima shinatac huillangacunayari? Dios quillcachishcapica: “Alli huillaita huillangapac chayaccunaca, ¡mai sumacmi can!” ninmi.

ROMANOS 3:19

Taita Dios taripana punzhapi tucui mashna imata mana nishpa upalla saquirichunmi, tucui Moisés mandashcacunaca chai mandashcacunata cazuccunaman huillacun. Chaitaca yachanchicmi.

1 CORINTIOS 10:9

Shinallatac paicunapuramanta maijancuna shina, Mandac Diosta caita chaita ruhuai nishpa, ama p'iñachishunchic. Chashna ruhuashpami, paicunaca culebra canishca huañurcacuna.