HECHOS 5:24 - Nuevo Testamento en Quichua Cañar 1996

²⁴ Chashna huillashcata uyashpaca, curacunata jatun mandac curapish, Diosman mañana huasita cuidaccunata mandacpish, curacunata mandac curacunapish caishuc chaishucmi: “Chai runacunaca, ¿imashi tucushca canga?” nishpa tapunacurcacuna.

Dios Rimashcata Quillcashcami

²⁴ Chashna huillashcata uyashpaca, curacunata jatun mandac curapish, Diosta mañana huasita cuidaccunata mandacpish, curacunata mandac curacunapish caishuc chaishuc parlanacushpaca: “Chai runacunaca, ¿imashi tucushca canga?” nishpami tapunacurca.

HECHOS 5:24 ပူးပေါင်းရင်းမြစ်များ

SAN LUCAS 22:4

Paimi curacunata mandac curacunapacmanpish, Diosman mañana huasita cuidaccunapacmanpish Jesusta ima shina japichinata parlangapac rirca.

SAN LUCAS 22:52

Chashna alliyachishpaca, japingapac shamuc curacunata mandac curacunatapish, Diosman mañana huasita cuidaccunata mandaccunatapish, cunac yuyaccunatapish Jesusca: —¿Ñucataca shuhuata shinachu cancunaca espadacunahuan, caspicunahuan japingapac shamunguichic?

SAN JUAN 12:19

Shina cacpimi fariseocunaca:*f** —Ñucanchicllatacmi ña ricunchic. Chashnaca imata mana ruhuai pudinchicchu, ashtahuanpish tucuimi paitaca c'atincuna— nishpami, caishuc chaishuc parlanacurcacuna.

HECHOS 2:12

Chashna tucui mashna munai mancharishpaca: —¿Ima nishpatac cashnaca tucushca canga?— nishpami tapunacurcacuna.

HECHOS 4:1

Pedropish, Juanpish gentecunaman huillacucpiracmi, Israel*f** curacunapish, Diosman mañana huasita cuidaccunata mandacpish, shinallatac saduceocunapish*f** cungailla paicunapacman chayarcacuna.

HECHOS 4:21

Chashna nicpica, ashtahuan manchachishun nishpami mandaccunaca: —¡Paimantaca pacta piman huillanguichicman!— nircacuna. Pedropish Juanpish chai runata alliyachishcamantami, tucui gentecuna Taita Diosta “allimari cangui” nircacuna. Chaimantami mandaccunaca mana macashpa cacharircacunalla.

HECHOS 5:23

—Ñucanchic chayashpaca, cárcel pungucunaca alli huichcashcata, shinallatac soldadocunapish pungucunapi cuidacushcatami ricurcanchic. Ashtahuanpish cárcel pungucunata ñucanchic pascashpa apangapac yaicushpaca, paicunata mana tarircanchicchu— nircacuna.

HECHOS 5:25

Paicuna chashna tapunacucucpica, ñapish cungailla shuc runa chayamushpaca: —Chai cancuna carcelpi huichcachishca runacunaca, Diosman mañana huasipimari tucui gentecunaman yachachicuncuna— nishpa huillarca.

HECHOS 5:26

Chashna huillacpimi, soldadocunata mandacca soldadocunahuan cutin Jesús acllashca huillaccunata japingapac rircacuna. Chashna rishpaca, chaipi cac gentecuna rumihuan shitanata manchashcamantami, japishpapish mana imata ruhuashpa, sumacta apamurcacuna.