HECHOS 4:31 - Nuevo Testamento en Quichua Cañar 1996

³¹ Chashna mañashca q'uipaca, paicuna tandanacushca tiyacuc huasica chucchurcami. Diospac Espíritu tucui chaipi caccunapac shungupi junda cacpimi, paicunaca mana manchashpa, Diosmanta huillarcacuna.

Dios Rimashcata Quillcashcami

³¹ Chashna mañashca quipaca, paicuna tandanacushpa tiyacuc huasica chucchurcami. Diospac Espíritu paicunapi junda cacpimi, mana manchashpa, Diosmanta huillarcacuna.

HECHOS 4:31 ပူးပေါင်းရင်းမြစ်များ

SAN MATEO 21:22

Taita Dios ima mañashcatapish cuc cashcata crishpa mañashpaca, japinguichicmi— nirca.

SAN JUAN 14:12

Maijanpish ñucata cricca, ñuca imallata ruhuashcacunataca ruhuangami, shinallatac Taitapacman ñuca rishcamantaca yallitami ruhuanga. Chaica chashnatacmi canga.

SAN JUAN 15:16

Cancunallatacca ñucataca mana acllarcanguichicchu, ashtahuanpish ñucami cancunataca acllarcani. Cancuna rishpaca, alli granota p'ucuc yura shina causaita ricuchichunpish, chai p'ucushcacuna ama chingarichunpish minganimi. Shina ruhuashpa, cancuna ñuca shutipi imata mañacpica, ñuca Taitaca cungallami.

SAN JUAN 15:7

Cancuna ñucahuan cashpa, shinallatac ñuca yachachishcacunata cazushpa c'atirashpaca, imatapish mañaichiclla, ñuca Taitaca cungallami.

HECHOS 14:3

Chashna cacpipish, Pabloca Bernabendic Jesús paicunahuan cashcata yachashpa, chai pueblopi unaicaman saquirishpami: “Taita Diosca mai c'uyacmi” nishpa, mana manchashpa huillarcacuna. Apunchic Jesús paicunahuan cacpimi, pi mana ruhuaipaccunatapish, pi mana ricushcacunatapish ruhuarcacuna.

HECHOS 2:1

Pentecostés*f** punzha chayamucpica, Jesusta criccunaca tucuillami shuc shinalla tandanacushca carcacuna.

HECHOS 2:2

Paicuna chashna tiyacucpimi, cungailla huaira shina huaj nishpa jahua pachamanta shamushpa, paicuna tiyacuc huasipi jundarca.

HECHOS 2:4

Chashna tiyarishpami, tucui chaipi caccunapac shunguman Diospac Espíritu shamushpa, paicunata rimachicpi, ch'ican ch'ican rimaicunata rimai callarircacuna.

HECHOS 4:13

Pedropish Juanpish mana manchashpa, allita rimacta uyashpami, chai mandaccunaca: —¿Ima shinatac cai maipi yachacungapacllapish mana rishca, yanga runacunaca chashna rimancunayari?— nishpa, mana amirircacuna. Chaimantami paicunaca Jesushuan puriccuna cashcata yachac chayarcacuna.

HECHOS 4:29

Cunanca Mandac Dioslla, paicuna manchachina yuyaihuan jarcashcata ricuiyari. Ñucanchic can mandashcata ruhuaccunataca, imatapish mana manchashpa, canmanta huillaccunata ruhuaiyari.

FILIPENSES 1:14

Shinallatac ñuca caipi prezu cacta yachashpami, maijancunalla saquirishpa achca criccuna ashtahuan sinchi cric tucushpa, Apunchic Jesusmanta mana manchashpa, Diosmanta alli huillaita huillacuncuna.

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca q'uipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

SANTIAGO 1:5

Cancunapuramanta maijanpish yachaita mana charishpaca, Diosman mañaichic, paica cungallami. Diosca pimanpish mana misarishpami, tucui mañaccunamanca achcata cunga.