HECHOS 4:30 - Nuevo Testamento en Quichua Cañar 1996

³⁰ Shinallatac can quishpichichun cachashca Jesushuanca, ungushcacunata alliyachiccuna cachun, pi mana ruhuaipaccunata ruhuaccuna cachunpish, ñucanchictaca ruhuaiyari. Canca imatapish ruhuacllami cangui” nishpami mañarcacuna.

Dios Rimashcata Quillcashcami

³⁰ Can quishpichichun cachashca Jesus-huan ungushcacunata alliyachichun, milagrocunata ruhuachun ñucanchicta ayudaiyari. Canca imatapish ruhuacllami cangui» nishpa mañarcacuna.

HECHOS 4:30 ပူးပေါင်းရင်းမြစ်များ

SAN JUAN 4:48

Chashna mañacpimi Jesusca: —Pi mana ruhuaipaccunata ruhuacta manarac ricushpaca, ñuca alliyachinataca mana cringuichicchu— nirca.

HECHOS 2:22

Tucui israelcuna, cai ñuca huillashcata alli uyaichic: Taita Diosca Nazaret pueblomanta Jesusta cachashpami, pi mana ruhuaipaccunata ruhuachishpa, pi mana ricushcacunatapish ricuchishpa, Jesús pi cashcata cancunamanca ricuchirca. Chaitaca cancunallatac alli yachanguichicmi.

HECHOS 2:43

Taita Dios imatapish ruhuachicpimi, Jesús acllashca huillaccunaca pi mana ruhuaipaccunatapish, pi mana ricushcacunatapish tauca cutin ruhuarcacuna. Chashna ruhuacta ricushpaca, tucui gentecunami mancharishpa mana amirircacuna.

HECHOS 3:13

ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús sumac alli nishca cachun chashna alliyachirca. Cancunaca chai Jesustami mandaccunapacman aparcanguichic. Pilato paita cacharisha nicucpipish, cancunaca mana cacharichun saquircanguichicchu.

HECHOS 3:16

Chai Jesusllatacmi cai runataca alliyachirca. Jesusta crishcamantami, cai cancuna ricsishca runaca tucui cancunapac ñaupapi alliyachishca shayacun.

HECHOS 3:6

Chashna chaparacucpimi Pedroca: —Ñucaca cullquitapish, curitapish mana charinichu. Chashna cashpapish ñuca charishcatami canman cuni. Nazaret pueblomanta Jesucristopac shutipimi, ‘jatarishpa puri’ nini— nirca.

HECHOS 4:10

Cancunapish, tucui israelcunapish alli yachachunca, cashnami nini: Nazaret pueblomanta Jesucristotaca, cancunami chacatashpa huañuchircanguichic. Cancuna huañuchicpipish, Taita Diosmi paitaca huañushcacunapuramanta causachirca. Chai Jesusllatac alliyachicpimi, cai runaca cancunapac ñaupapi alli tucushca shayacun.

HECHOS 4:27

Chashna nishca shinallatacmi, cai pueblopica mandac Herodesca Poncio Pilatohuan, israelcunandic*f** mana israelcunandic tandanacurcacuna. Chashna tandanacushpaca, can quishpichichun cachashca, manapish juchayuc Jesusta p'iñashpami, shuc yuyailla tucurcacuna.

HECHOS 5:12

Taita Dios paicunahuan cacpimi, Jesús acllashca huillaccunaca israelcunapurapica*f** pi mana ruhuaipaccunatapish, pi mana ricushcacunatapish tauca cutin ruhuarcacuna. Tucui criccunami Salomonpac corredorpica, shuc yuyailla tandanacuc carcacuna.

HECHOS 6:8

Estebanca Dios c'uyashca cashcamantami, imatapish ruhuaclla carca. Chaimantami pi mana ruhuaipaccunatapish, pi mana ricushcacunatapish israelcunapurapica*f** ruhuac carca.