HECHOS 4:21 - Nuevo Testamento en Quichua Cañar 1996

²¹ Chashna nicpica, ashtahuan manchachishun nishpami mandaccunaca: —¡Paimantaca pacta piman huillanguichicman!— nircacuna. Pedropish Juanpish chai runata alliyachishcamantami, tucui gentecuna Taita Diosta “allimari cangui” nircacuna. Chaimantami mandaccunaca mana macashpa cacharircacunalla.

Dios Rimashcata Quillcashcami

²¹ Pedropish, Juanpish chai runata alliyachishcamantaca tucui gentecunami Diosta “allimari cangui” nircacuna. Chaimantami mana juchanchipac cacpi, cacharircalla.

HECHOS 4:21 ပူးပေါင်းရင်းမြစ်များ

SAN MATEO 15:31

Chashna alliyachicpica, mana rimariccunapish rimai callarircami, maqui illaccunapish alliyarcami, suchucunapish purircami, shinallatac ñahui mana ricuccunapish ricurcami. Chaita ricushpami, gentecunaca munai mana amirishpa, israelcunapac*f** Taita Diostaca “allimari cangui” ni callarircacuna.

SAN MATEO 21:46

Chaimanta Jesustaca prezu japishun nicushpapish, tucui gentecuna “paica Diosmanta huillacmi” nic cashcamanta manchashpami, mana imata ruhuashpa saquircacunalla.

SAN MATEO 26:5

Chashna yuyarishpapish paicunaca: —Cai fiesta punzhacunapica mana japishpa, casilla saquishunlla, pacta tucui gentecuna jatarishpa ñucanchictarac imata ruhuanman— ninacurcacuna.

SAN MATEO 9:33

Jesús chai runamanta supaita llucchishpa cachacpica, chai mana rimaric runaca rimai callarircallami. Chashna rimari callaricpica, tucui chaipi caccunami: “Cai Israelpica*f** jaicapi mana ricushcatami ricunchic” nishpa, mana amirircacuna.

SAN MATEO 9:8

Chashna alliyachicta tucui chaipi cac gentecuna ricushpaca, mancharinacushpami: —¡Taita Diosmi cai ruhuanacunataca runacuna ruhuachun cushca!— nishpa, Taita Diostaca “allimari cangui” nircacuna.

SAN LUCAS 13:17

Jesús chashna nicpica, tucui paita p'iñaccunacamanmi pingaihuan saquirircacuna. Ashtahuanpish chaipi cac tucui gentecunaca Jesús imatapish allita ruhuacta ricushpaca, munaimi cushicurcacuna.

SAN LUCAS 20:19

“Jesusca yuyaita japina parlohuanca ñucanchictami rimacun” nishpami, curacunata mandac curacunapish, mandashcacunata yachachiccunapish p'iñarishpa: “Cunancarin, huañuchichingapac japichishun” nircacuna. Shina ninacushpapish, gentecunata manchashpami, mana imata ruhuarcacuna.

SAN LUCAS 20:6

Runacunallami cachashca nicpipish, ñucanchictaca rumicunahuan shitashpami huañuchingacuna. Chaica, tucui gentecunami Juantaca: ‘Diosmanta huillacmi’ nincuna— ninacurcacuna.

SAN LUCAS 22:2

Israel*f** curacunata mandac curacunapish, mandashcacunata yachachiccunapish gentecunata manchashcamantami, Jesustaca ima shina pacalla japishpa huañuchinata parlanacurcacuna.

SAN LUCAS 5:26

Jesús chashna ruhuacpica, tucui chaipi caccunami munai mancharinacushpa, mana amirishpa: “Jaicapi mana ricushcatami ricunchic” nishpa, Taita Diostaca “sumacmari cangui” nircacuna.

HECHOS 4:17

Chashna cacpipish, paicuna chashna alliyachishca maipipish ama yacharichunca, paicunataca: ‘Cunanmanta pacha pacta piman ashtahuan chai Jesusmanta huillanguichicman’ nishpa manchachishun— ninacurcacuna.

HECHOS 4:22

Pi mana alliyachipacta alliyachishca runaca, chuscu chunga huata yallitami charirca.

HECHOS 5:13

Shuccunaca paicunahuan tandanacunataca mancharcacunami. Chashna cacpipish chai pueblopi causaccunaca, tucuimi paicunataca allimi nircacuna.

HECHOS 5:26

Chashna huillacpimi, soldadocunata mandacca soldadocunahuan cutin Jesús acllashca huillaccunata japingapac rircacuna. Chashna rishpaca, chaipi cac gentecuna rumihuan shitanata manchashcamantami, japishpapish mana imata ruhuashpa, sumacta apamurcacuna.

HECHOS 5:40

Gamaliel chashna nishcata uyashpami, Jesús acllashca huillaccunataca cutin yaicuchishpa azutichircacuna. Chashna azutichishpaca: “¡Pacta cutin Jesusmanta huillanguichicman!” nishpami cacharcacuna.