HECHOS 4:19 - Nuevo Testamento en Quichua Cañar 1996

¹⁹ Shina nicpipish Juanpish, Pedropish cutimushpaca: —Cancunallatac alli yuyarichic. Taita Diosmanca, paita cazunapac randica, ¿cancunata cazunachu ashtahuan alli canga?

Dios Rimashcata Quillcashcami

¹⁹ Shina nicpi, Juanpish, Pedropish rimashpaca: —Cancunallatac alli yuyarichic. Diosmanca, ¿paita cazunata saquishpa, cancunata cazunachu ashtahuan alli canga?

HECHOS 4:19 ပူးပေါင်းရင်းမြစ်များ

SAN MATEO 22:21

Chashna tapucpimi paicunaca: —Jatun mandac Cesarpacmi— nircacuna. Shina nicpi Jesusca: —Shinashpaca jatun mandac Cesarpac cashcataca, jatun mandac Cesarllamantac cuichic, shinallatac Diospac cashcataca, Diosllamantac cuichic— nirca.

SAN LUCAS 22:8

Chaimantami Pedrotapish, Juantapish Jesusca: —Richic, ñucanchic pascuata yuyarishpa, micunata micungapac allichigrichic— nirca.

SAN JUAN 7:24

Ñahuita ricushpalla ama juchanchinguichicchu. Ima juchanchina cacpica, imatapish cashcatatac ricushpa juchanchinguichic— nirca.

HECHOS 4:13

Pedropish Juanpish mana manchashpa, allita rimacta uyashpami, chai mandaccunaca: —¿Ima shinatac cai maipi yachacungapacllapish mana rishca, yanga runacunaca chashna rimancunayari?— nishpa, mana amirircacuna. Chaimantami paicunaca Jesushuan puriccuna cashcata yachac chayarcacuna.

HECHOS 5:28

—Ñucanchicca cancunataca: ‘Pacta chai runamantaca cutin yachachinguichicman’ nircanchicca. Ashtahuanpish chashna nishca jahuachu, tucui Jerusalenpi yachachircanguichic. ‘Jesustaca cancunami huañuchircanguichic’ nishpapish, ñucanchictaca juchanchicunguichicmi— nirca.

HECHOS 5:29

Shina nicpi, Pedroca Jesús acllashca caishuc huillaccunandicmi: —Taita Diostami runacunata yalli ashtahuan cazuna canchic.

1 CORINTIOS 10:15

Yachaccunata shinami cancunataca rimani. Ñuca nishcata uyashpaca, cancunallatac yuyarichic.

2 CORINTIOS 4:2

Dios rimashca shimitaca mana chagrushpami huillacunchic. Shinallatac pacallapi pinganayai ruhuanacunata saquishpami, pitapish mana umashpa purinchic. Chaipac randica Dios rimashca shimi mana llulla cashcata ricuchishpami, Diospac ñaupapi tucui mashna ñucanchic allita ruhuac cashcata ricuchun rimanchic.

EFESIOS 6:1

Huahuacuna, Apunchic Jesusta c'uyashcamanta cancunapac taita mamata cazuichic. Chaimi alli.

1 TIMOTEO 2:3

Chashna mañashpami allita ruhuanchic, shinallatac ñucanchicta Quishpichic Taita Diostapish cushichinchic.

HEBREOS 11:23

Crishcamantami Moisespac taita mama alaja huahua cashcata ricushpa, quimsa quillata Moisés huacharicpica, pacashpa churarcacuna. Shinallatac jatun mandac tucui huahuacunata huañuchinami nicpipish, mana mancharcacunachu.

SANTIAGO 2:4

Chai shina cancunapurallatac “caica allimi, chaica mana allichu” nishpa ch'icanyachishpaca, mana alli yuyaicunahuanmi ruhuacunguichic.