HECHOS 3:6 - Nuevo Testamento en Quichua Cañar 1996

⁶ Chashna chaparacucpimi Pedroca: —Ñucaca cullquitapish, curitapish mana charinichu. Chashna cashpapish ñuca charishcatami canman cuni. Nazaret pueblomanta Jesucristopac shutipimi, ‘jatarishpa puri’ nini— nirca.

Dios Rimashcata Quillcashcami

⁶ Chashna chaparacucpimi Pedroca: —Cullquitapish, curitapish mana charinichu. Chashna cashpapish ñuca charishcatami canman cuni. Nazaret pueblomanta Jesucristopac shutipimi, “jatarishpa puri” nini— nirca.

HECHOS 3:6 ပူးပေါင်းရင်းမြစ်များ

SAN MATEO 10:9

Cancuna rishpaca, imata randingapacca curitapish, cullquitapish, cobretapish ama apanguichicchu.

SAN MATEO 7:22

Taita Dios taripana punzhapica, taucacunami: ‘Apunchic Jesús, Apunchic Jesús, cambac shutipimi huillacurcanchic, supaicunatapish llucchircanchic, pi mana ruhuaipaccunatapish ruhuarcanchic’ ningacunami.

MARCOS 14:8

Cai huarmica pai charicushcahuanca, pai ruhuai pudishcatami ruhuashca. Ñuca huañucpi enterrangapacmi, ñucapica ña utca cai mishquilla ashnacuctaca churashca.

MARCOS 16:17

Ñucata criccunaca pi mana ruhuaipaccunatami ruhuanga. Ñuca shutipimi supaicunatapish llucchishpa cachangacunami, jaicapi mana uyashca rimaicunatapish rimangacunami.

SAN JUAN 19:19

Chaipimi Pilatoca shuc quillcashcata cruz jahuapi churarca. Chai quillcashcapica: “Israelcunata Jatun Mandac, Nazaret pueblomanta Jesusmi” nishpami quillcashca carca.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

HECHOS 16:18

Ña tauca punzhacunata chashna nishpa ñucanchicta c'aticucllapimi, ña mana uyanachishpa Pabloca tigrarishpa, chai huambrapi cac supaitaca: —¡Jesucristopac shutipimi, cai huambramanta llucshi nini!— nirca. Chashna nicpi, supaica chai huambramantaca llucshircallami.

HECHOS 2:22

Tucui israelcuna, cai ñuca huillashcata alli uyaichic: Taita Diosca Nazaret pueblomanta Jesusta cachashpami, pi mana ruhuaipaccunata ruhuachishpa, pi mana ricushcacunatapish ricuchishpa, Jesús pi cashcata cancunamanca ricuchirca. Chaitaca cancunallatac alli yachanguichicmi.

HECHOS 2:36

Chaimanta tucui israelcunami, caitaca alli yachana canguichic: Chai cancuna cruzpi chacatashca Jesusllatatacmi, Mandac cachunpish, Quishpichic cachunpish Taita Diosca churashca— nirca.

HECHOS 3:16

Chai Jesusllatacmi cai runataca alliyachirca. Jesusta crishcamantami, cai cancuna ricsishca runaca tucui cancunapac ñaupapi alliyachishca shayacun.

HECHOS 3:5

Chashna nicpi chai runaca: “Imallata cungapishchari” yuyashpami, paicunata chaparacurca.

HECHOS 3:7

Chashna nishpa, alli maquimanta japishpa jatarichicpica, chai runapac chaqui mucucunaca sinchiyarcallami.

HECHOS 4:10

Cancunapish, tucui israelcunapish alli yachachunca, cashnami nini: Nazaret pueblomanta Jesucristotaca, cancunami chacatashpa huañuchircanguichic. Cancuna huañuchicpipish, Taita Diosmi paitaca huañushcacunapuramanta causachirca. Chai Jesusllatac alliyachicpimi, cai runaca cancunapac ñaupapi alli tucushca shayacun.

HECHOS 4:7

Pedrotapish, Juantapish paicuna tandanacushca ñaupaman c'ayachishca chayamucpica: —Cancunaca, ¿pi mandacpitac, pihuan cashpatac chai mana puric runata chashna alliyachircanguichic?— nishpami tapurcacuna.

HECHOS 9:34

Chashna ungushcata ricushpami Pedroca: —Eneas, cantaca Quishpichic Jesucristomi alliyachin. Jatari, cambac camata tandachi— nicpica, Eneasca jatarishpa shayarircallami.

1 CORINTIOS 4:11

Cunancamanmi yarcaihuan, yacunaihuan, causana huasi illaclla, churana illaclla tucushpa, llaquita apashpa, gentecuna macashcapish canchic.

2 CORINTIOS 6:10

Llaquilla cashpapish, punzhantami cushicunchic. Huacchacuna shina cashpapish, taucacunatami chayucyachinchic. Imata mana charic shina cashpapish, tucuitami charinchic.

2 CORINTIOS 8:12

Maijanpish pai charishcamanta tucui shunguhuan imata cucpica, Taita Diosca chasquinmi. Ashtahuanpish Taita Diosca imata mana charishcataca mana mañanchu.

2 CORINTIOS 8:9

Ñucanchic Apunchic Jesucristo mai c'uyac cashcataca, cancunaca ña yachanguichicmi. Paica achcata charic cashpapish, cancunamantami imata mana charic huaccha tucurca. Chai shina huaccha tucushcamantami, cancunaca achcata chariccuna shina tucunguichic.

SANTIAGO 2:5

Ñuca c'uyashca criccuna, caita uyaichic: Taita Diosca cai pachapi imata mana chariccunataca, crishcahuan chayuc tucuchunmi acllarca. Dios maipi mandacucpi paita c'uyaccuna pai cusha nishcata japichunmi, chashnaca acllarca.

1 PEDRO 4:10

Taita Diosmanta allita ruhuangapac ch'ican ch'ican ruhuac canata chasquishcamanta, allita ruhuaccuna shina, quiquin chasquishcahuan caishuc chaishucman allita ruhuaichic.