HECHOS 3:26 - Nuevo Testamento en Quichua Cañar 1996

²⁶ Taita Dios paipac Churita causachishpaca, cancunaman allicunata cuchunmi, cancunapacmanca punta cacharca. Cancuna millai causaita saquishpa alli causachunmi, paitaca chashna cacharca” nirca.

Dios Rimashcata Quillcashcami

²⁶ Dios, paipac Churita causachishpaca, cancunaman allicunata cuchunmi, cancunapacman punta cacharca. Cancuna millai causaita saquishpa, alli causachunmi, cacharca» nirca.

HECHOS 3:26 ပူးပေါင်းရင်းမြစ်များ

SAN MATEO 1:21

Paica shuc c'ari huahuatami charinga. Chai huahuataca JESÚS shutitami shutichingui. Paimi tucui pai acllashcacunataca juchacunamanta quishpichinga. Chaimantami chai shutica canga” nirca.

SAN MATEO 15:24

Chashna nicpi Jesusca: —Taita Diosca ñucataca, chingarishca ovejacuna shina israelcunapacmanllami*f** cacharca— nirca.

SAN LUCAS 24:47

Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.

SAN JUAN 4:22

Samaria llactapi causac cancunaca Taita Diosman mañangapac tandanacushpapish, piman mañacushcata mana yachanguichicchu. Ñucanchicca piman mañacushcataca yachanchicmi. Taita Diosca israelcunapuramantami Quishpichicta cachasha nishca.

HECHOS 1:8

Shina cacpipish, Diospac Espíritu cancunapacman shamucpimi, tucui imatapish ruhuai pudinguichic. Chaimantami Jerusalén pueblopipish, tucui Judea llactapipish, Samaria llactapipish, shinallatac mai tiyashca llactacunapipish ñucamanta huillagringuichic— nirca.

HECHOS 13:26

Ñucanchic taita Abrahammanta mirarishca huauquicunalla, shinallatac Taita Diosta manchac caishuccunapish, cai quishpirinamanta huillashcaca cancunamanmi.

HECHOS 2:24

Chashna cancuna Jesusta huañuchicpipish, Taita Diosca llaquiman apac huañuimantaca cacharichishpami causachirca. Shina ruhuacpimi, huañuipish Jesustaca mana ati pudirca.

HECHOS 2:32

Taita Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

HECHOS 26:20

Chashna cazushpami, Damasco pueblopi huillai callarircani. Shinallatac Jerusalén pueblopipish, tucui Judea llactacunapipish, mana israelcunamanpish:*f** ‘Mana alli causacushcata saquishpa, Taita Diosman cutirishpa, allita causaichic’ nishpa huillarcani.

HECHOS 3:13

ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús sumac alli nishca cachun chashna alliyachirca. Cancunaca chai Jesustami mandaccunapacman aparcanguichic. Pilato paita cacharisha nicucpipish, cancunaca mana cacharichun saquircanguichicchu.

HECHOS 3:15

Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic.

HECHOS 3:20

Shinallatac ñaupaman cancunaman cachasha nishca Quishpichic Jesustapish paica cachangami.

HECHOS 3:22

Moisespish ñucanchic ñaupa taitacunamanca: ‘Cancunata Mandac Diosca ñucata cachashca shinallatacmi, cancunapuramantapish shuc huillacta cachanga. Pai shamucpica, tucui pai ima nishcata cazunami canguichic.

HECHOS 3:25

Taita Diosca ñaupa huillaccunamanpish, ñucanchic ñaupa taitacunamanpish, shinallatac cunan punzha ñucanchic israelcunamanpish ‘ñuca cusha nishcataca pactachishatacmi’ nishca carca. Chashnallatacmi Abrahammanca Taita Diosca: ‘Cambac huahua huahuacunamantami, tucui cai pachapi causaccunamanca allicunata cusha’ nishcami. Cancunapish chaita chasquiccunami canguichic.

ROMANOS 1:16

Alli huillaica puntaca israelcunata,*f** mana israelcunatapish*f** maijanpish crictaca quishpichingapac, imatapish ruhuaclla Taita Diosmanta shamushcami. Chaimantami alli huillaita huillanataca mana pingani.

ROMANOS 15:29

Ñuca cancunapacman ricpi, Cristo yallita imatapish cuna cashcataca allitami yachani.

ROMANOS 15:8

Ñaupa taitacunaman cusha nishcata pactachingapac, shinallatac Dios imatapish pactachic cashcata ricuchunmi, israelcunata*f** servingapac Cristoca shamurca.

EFESIOS 1:3

Cristohuan shuc shinalla tucushcamantami, ñucanchicmanca paipac Espirituta cushpa, jahua pachapi tiyac tucui laya allicunata Taita Diosca curca. ¡Chaimantami ñucanchic Apunchic Jesucristopac Taita Diostaca alli nicunalla canchic!

1 PEDRO 1:3

¡Ñucanchic Apunchic Jesucristopac Taita Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana c'uyaimanta Jesucristota causachishpa, ñucanchictaca cutin huacharishca shinata ruhuarca.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Shinallatac c'amishpa rimacpipish, ama cancunapish chai shinallatac rimaichicchu. Chaipac randica Taita Dios allicunata cuchun nishpa munaichic. Taita Diosca allicunata chasquichunmi, cancunataca c'ayarca.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi imatapish ruhuaclla cashcahuanca, cancuna ima millaipi ama urmashpa, paipac sumaimana ñaupapi cushilla ricurichun huacaichicun.