HECHOS 3:19 - Nuevo Testamento en Quichua Cañar 1996

¹⁹ Chaimanta juchayuc cashcamanta llaquirishpa, Diosman cutirichic. Chashna ruhuacpimi, Taita Diosca cancunapac juchacunata p'ichashpa, cushi causai punzhacunatapish cunga.

Dios Rimashcata Quillcashcami

¹⁹ Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

HECHOS 3:19 ပူးပေါင်းရင်းမြစ်များ

SAN MATEO 13:15

Cai gentecunapac shunguca, rumi shina sinchimi tucushca. Chashna cacpimi paicunapac rinrica tapashca shina, ñahuipish huichcashca shina tucushca. Paicunaca ñahuihuan ricushpapish, rinrihuan uyashpapish, shunguhuan yuyarishpapish, ñucapacman ama cutirichun, shinallatac ñuca ama alliyachichun chashnaca tucushca’ nishcami.

SAN MATEO 18:3

—Cancunaca huahuacuna yuyaita japicuc shina, mushuc yuyaita mana japishpaca, jahua pacha Taita Dios mandacucmanca mana yaicunguichicchu. Chaica chashnatacmi canga.

SAN LUCAS 1:16

Paica achca israelcunatami,*f** paicunata Mandac Taita Diosmanta caruyashpa puricuccunata cutichimunga.

SAN LUCAS 22:57

Chashna nicpi, Pedroca chai huarmitaca: —¿Pichari? Ñucaca mana ricsinichu— nirca.

HECHOS 1:6

Chaipi tandanacushca caccunami Jesustaca: —Apunchic Jesús, ¿cunanllatacchu Israel*f** llactataca, ñucanchicpurallatac cutin mandachun cungui?— nishpa tapurcacuna.

HECHOS 11:18

Chashna nicta paicuna uyashpaca, ña mana imata nircacunachu. Ashtahuanpish: —¡Mana israelcunapish Taita Diosman cutirishpa, huiñai causaita charichunmi saquishca!— nishpami, Taita Diostaca “allimari cangui” nircacuna.

HECHOS 11:21

Taita Dios paicunahuan cacpimi, achcacuna Apunchic Jesusta crishpa, ñaupa mana alli causaita saquircacuna.

HECHOS 15:3

Antioquía criccuna paicunata cachacpica, Fenicia llactata, Samaria llactatami rircacuna. Chai llactacunapica tucui criccunamanmi, mana israelcunapish*f** Taita Diosman cutirishcata parlarcacuna. Chashna parlacpica, chai criccunaca tucuimi munai cushicurcacuna.

HECHOS 17:26

Shuclla runamanta tucui cai pachapi mirarishpa causachunmi, Taita Diosca churashca. Paillatacmi gentecuna mashna huatacaman causana, maipi causanatapish churashca.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Taita Diosca cancunapac juchacunata perdonanga, shinallatac paipac Espiritutapish cancunamanca cunga.

HECHOS 28:27

Cai gentecunapac shunguca, rumi shina sinchimi tucushca. Paicunapac rinrica tapashca shinami. Paicunapac ñahuipish huichcashca shinami. Uyashpapish, mana uyashca shina, ricushpapish, mana ricushca shinami cancuna. Paicunapac shunguca ima alli yuyaita mana japinchu. Paicuna ñucapacman cutimucpica, ñucaca alliyachimanmi’ nishcami.

HECHOS 3:20

Shinallatac ñaupaman cancunaman cachasha nishca Quishpichic Jesustapish paica cachangami.

HECHOS 3:21

‘Ima tiyactapish mushuctami ruhuasha’ nishpami, Taita Diosca paipaclla causac huillaccunamanca ñaupamanta pacha huillachishca. Chaita pactachina punzha chayangacamanmi, Jesucristoca jahua pachapi cana can.

ROMANOS 11:25

Ñuca c'uyashca criccuna, cancuna ama yachac tucushca cachunmi, manarac piman Dios yachachishcata huillani: Mashnalla crina cac mana israelcuna cringacamanmi, maijan israelcunaca*f** sinchi shungu tucushca.

2 TESALONICENSES 1:10

Shamuc punzhapi Apunchic Jesucristo cutimushpaca, tucui paipaclla cac criccuna paita alli nishpa, mana amirichunmari shamunga. Chaipica cancunapish ñucanchic huillashcata crishcamantaca canguichic.

2 TESALONICENSES 1:7

Shinallatac cancuna llaquita apacuccunatapish, ñucanchicta samachic shinallatac samachingami. Chashnaca, Apunchic Jesús paipac imatapish ruhuaclla angelcunahuan jahua pachamanta shamushpami samachinga.

2 TIMOTEO 2:25

P'iñaccunatapish c'uyai shunguhuanmi yachachina can. Chashna yachachicpi Taita Dios paiman cutirina yuyaita cucpi, cashcata nic huillashcata cringapishchari.

HEBREOS 4:1

Chashna cashcamanta chai samarinapi Dios ñucanchicta yaicuchisha nicucpirac, allita yuyarichic. Cancunapuramanta shucllapish pacta yaicunata mana charic shina saquiringuichicman.

1 PEDRO 2:25

Cancunaca chingarishca ovejacuna shinami ñaupaca puricurcanguichic. Shina cashpapish cunanca cancunata cuidashpa Michic Cristopacmanmi tigrarishcanguichic.

2 PEDRO 3:8

C'uyashca criccuna, caitapish yuyarichic: Apunchic Jesusmanca huaranga huataca shuc punzha shinallami, shinallatac shuc punzhaca huaranga huata shinallami.

APOCALIPSIS 21:4

Paica ñahuicunamantapish tucui huiquita p'ichangami. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu— nirca.