HECHOS 28:7 - Nuevo Testamento en Quichua Cañar 1996

⁷ Ñucanchic masharicushca cuchulla allpaca, chai llactata mandac Publio runapac allpami cashca carca. Paimi ñucanchicta llaquishpa alli chasquishpaca, quimsa punzhata paipac huasipi charirca.

Dios Rimashcata Quillcashcami

⁷ Chai allpaca, chai llactata mandac Publiopacmi cashca carca. Paimi ñucanchicta huasipi sumacta chasquishpa, quimsa punzhata pozachirca.

HECHOS 28:7 ပူးပေါင်းရင်းမြစ်များ

HECHOS 13:7

Chai brujoca Chipre llactata mandac Sergio Paulo runahuanmi apanacuc carca. Chai mandacca alli yachac cashpami, Bernabetaca Saulondic shamushpa Diosmanta huillachun c'ayac cacharca.

HECHOS 18:12

Galión runa Acaya llactata mandacui punzhacunapimi, israelcunaca tandanacushpa, Pablota japishpa, chai mandacpacman aparcacuna.

HECHOS 23:24

Pablo montachunpish, sillashpa caballotaca cunguichic. Paitaca mandac Felixpacmanca mana ima tucushca, allita chayachigringuichic” nirca.

HECHOS 28:2

Chai llactapi causaccunapish ñucanchictaca llaquishpa allimi tuparcacuna. Tamiapi chirihuan upayacucpimi, ninata japichishpa masharichun ningapac ñucanchictaca c'ayarcacuna.

HECHOS 28:6

“Ñallami punguinga, mana cashpaca ñallami huañunga” nishpami, tucui chaipi caccuna chaparacurcacuna. Ña unaita chapacucpi, mana ima tucucpimi: “¡Cai runaca diosmi yuyachin!” ninacurcacuna.

HECHOS 28:8

Chai Publiopac taitaca calentura ung:uihuanpish, purichic ung:uihuanpish camapimi cashca carca. Chai ungushcata Pablo ricungapac rishpaca, maquicunata ungushcapac jahuapi churashpa, Taita Diosman mañacpica alli tucurcallami.

1 TIMOTEO 5:10

Paicunaca paicunapac huahuacunata alli huiñachic, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuaccunami cana can. Tucui cai allicunata ruhuashcamantami, tucuipac alli nishca cana can.

HEBREOS 13:2

Maijanpish huasiman chayaccunata cushilla chasquinataca, ama cungaringuichicchu. Chai shina pi cashcata mana yachashpa chasquishpami, maijancunaca angelcunata chasquishcacuna.