HECHOS 28:26 - Nuevo Testamento en Quichua Cañar 1996

²⁶ ‘Ri, chai gentecunaman huillashpa cashna nigri: Cancunaca mashnata uyacushpapish, imata mana entendinguichicchu, mashnata ricushpapish, imata mana ricushca shinami canguichic.

Dios Rimashcata Quillcashcami

²⁶ “Chai gentecunaman huillangapac ri. Paicunataca: Cancunaca mashnata uyacushpapish, mana entendinguichicchu, mashnata ricushpapish, mana ricushca shinami canguichic.

HECHOS 28:26 ပူးပေါင်းရင်းမြစ်များ

MARCOS 4:12

Paicuna mashnata ricushpapish, mana ricushca shinallatac ama ricuchun, mashnata uyashpapish mana uyashca shinallatac ama entendichunmi, chashnaca yachachicuni. Paicuna Taita Diosman ama cutirichun, paicuna juchacunata ruhuashcamanta ama perdonashca cachunmi, chashna nini— nirca.

SAN LUCAS 24:25

Chashna nicpimi Jesusca: —¡Cancunaca yuyai illac upacunami canguichic! Chashna cashpami, Diosmanta ñaupa huillaccuna ñucamanta ima nishcataca mana utca cringuichic.

SAN LUCAS 24:45

Shina nishpaca, paicunaman yuyaita cushpami, Dios quillcachishcata alli yachachirca.

SAN LUCAS 8:10

Chashna tapucpica: —Taita Diosca pai mandacucmanta pimanpish mana yachachishcatami, cancunamanca yachachishca. Cutin shuccunamanca paicuna mashnata ricushpapish, mana ricushca shinallatac ama ricuchun, mashnata uyashpapish, mana uyashca shinallatac ama yuyaita japichunmi, cashna yuyaita japina parlocunallahuan yachachini.

HECHOS 28:25

Chaimantami paicunapura mana shuc yuyailla tucunacushpa ña rigricpica, Pabloca: —Diospac Espíritu yuyachicpi, ñaupa huillac Isaiasca ñucanchic ñaupa taitacunataca allimi cashna nishca: