HECHOS 28:14 - Nuevo Testamento en Quichua Cañar 1996

¹⁴ Chai pueblopi tauca criccuna tupashpaca: “Cai semanitata caipi saquirichic” nicpimi, saquirircanchic. Chai q'uipami Roma*f** pueblomanca rircanchic.

Dios Rimashcata Quillcashcami

¹⁴ Chai pueblopi tauca criccuna tupashpa, shuc semana paicunahuan saquirichun nicpimi saquirircanchic. Chai quipami Roma puebloman rircanchic.

HECHOS 28:14 ပူးပေါင်းရင်းမြစ်များ

SAN MATEO 10:11

Cancuna mai pueblopi, mai llactapi yaicushpaca, maijanpish cushilla chasquic runata mashcashpa, chai huasipi maiman ringacaman chaipi canguichiclla.

SAN JUAN 21:23

Chaimantami Jesusta c'aticcunapurapica: “Chai yachacucca jaicapi mana huañungachu” nishpa parlanacui tiyarca. Jesusca mana chai yachacuc huañunamantachu nicurca, ashtahuanpish: “Ñuca cutimungacaman paita causacuchunlla nicpipish, ¿canmanca imatac curinyari?” nishcami carca.

HECHOS 1:15

Chai punzhacunapica, Jesusta criccunaca pasac ishcai chunga shinami tandanacushca carcacuna. Paicunapac ñaupapimi Pedroca shayarishpa cashna nirca:

HECHOS 19:1

Corinto pueblopi Apolos cacpiracmi, Pabloca urcu urcuta rishpa, Efeso puebloman chayashpaca, tauca criccunahuan tuparca.

HECHOS 20:6

Ñucanchicca levadura*f** illac tandata micuna punzhacuna tucuricpimi, Filipos pueblomantaca barcopi tiyarishpa, pichca punzhapi Troas pueblomanca chayarcanchic. Chaipimi chai ñaupashpa ric criccunahuan tupanacushpa, canchis punzhata carcanchic.

HECHOS 21:4

Chaipi causac criccunata tarishpaca, canchis punzhacunatami paicunahuan carcanchic. Chai criccunaman Diospac Espíritu yuyaita cucpimi Pablotaca: “Jerusalenman ama richu” nircacuna.

HECHOS 28:13

Chaimantaca chai llacta cuchu cuchullata rishpa, Regio pueblomanmi chayarcanchic. Chai cayandic punzhaca huichai huaira tiyacpi, ishcai punzhapica Puteoli pueblomanmi chayarcanchic.

HECHOS 28:15

Romapi causac criccunaca ñucanchic shamucucta yachashpami, ñucanchicta Apio pueblo plazapipish, Quimsa Chuclla pueblopipish tupangapac shamushca carcacuna. Paicunata Pablo ricushpaca, Taita Diosta pagui nishpami munai cushicurca.

HECHOS 28:21

Pablo chashna nicpimi paicunaca: —Ñucanchicmanca can ima shina cashcata huillashpaca, pi mana Judea llactamanta quillcashpa cachashcachu. Ñucanchicpuracuna chaimanta shamushpapish, can mana alli cashcataca mana pi nishcachu.

HECHOS 6:3

Chaimanta huauquicuna: Cancunapuramanta alli yachac, alli causac, Diospac Espíritu shungupi junda, canchis runacunata acllaichic. Paicunamanmi micunata chaupichunca, mingashun ninchic.

HECHOS 9:30

Criccuna chaita yachashpami, Saulotaca Cesarea pueblocaman pushashpa, Tarso puebloman cacharcacuna.

ROMANOS 1:13

C'uyashca criccuna, tauca cutinmi cancunataca ricugrinata munarcani. Shina cashpapish imamantapish jarcarishpami, cancunataca mana ricugrircani. Chaitami yachachun munani. Ñucaca ima shinami shuctac llactacunapi granota tandachic shina criccunata tandachircani, chai shinallatacmi cancunapac llactapipish tandachinata munani.