HECHOS 27:6 - Nuevo Testamento en Quichua Cañar 1996

⁶ Chaipimi pasac soldadocunata mandacca Alejandría pueblomanta Italia llactaman ricuc barcota ricushpaca, ñucanchicta chai barcopi huichicuchirca.

Dios Rimashcata Quillcashcami

⁶ Chaipimi pasac soldadocunata mandacca Alejandría pueblomanta Italia llactaman ric barcota japishpa, chaipi ñucanchicta huichicuchirca.

HECHOS 27:6 ပူးပေါင်းရင်းမြစ်များ

HECHOS 18:2

Chai puebloman chayashpaca, Ponto llactamanta cac Aquila shuti Israel*f** runahuanmi tuparca. Roma*f** llactata jatun mandac Claudio tucui chaipi causac israelcunata:*f** “Cai llactamanta llucshishpa richic” nishcamantami, chai Aquila runaca paipac huarmi Priscilandic Italia llactamanta llucshishpa, Corinto pueblomanca cunanlla shamushcacuna carca. Pabloca paicunapacmanmi rirca.

HECHOS 18:24

Israelcunapuramanta*f** Apolos runami, Alejandría pueblomanta Efeso puebloman shamurca. Paica Dios quillcachishcata alli yachac cashpami, allita huillac carca.

HECHOS 27:1

Mandac Festo ñucanchicta ña Italia llactaman cachagricushpaca, Pablotapish, shinallatac shuc prezucunatapish pasac soldadocunata mandac Juliomanmi cushpa cacharca. Chai Julioca Roma*f** llactata jatun mandac Augustopac soldadocunapurami carca.

HECHOS 28:11

Ña quimsa quillata chai llactapi cashca q'uipami, Cástor shutita, Pólux shutita churashca barcopi huichicurcanchic. Chai barcoca Alejandría pueblomanta shamushpami, tamia quillacunataca chaipi cashca carca.

HECHOS 6:9

Chashna ruhuashpa puricucpimi, maijan runacunaca Estebanhuan rimarinacui callarircacuna. Paicuna tandanacuna huasica: “Servic cashcamanta cacharichishca” shutitami charirca. Paicunapurapica Cirene pueblomanta, Alejandría pueblomanta, Cilicia llactamanta, Asia llactamantapish carcacunami.