HECHOS 27:13 - Nuevo Testamento en Quichua Cañar 1996

¹³ Chaimanta ashalla huichai huaira tiyacpica: “Ña cunancarin rinallami canchic” nishpami, barcota yacupi huatashpa charic anclacunata tandashpa, ri callarircanchic. Chashna rishpaca, Creta llacta cuchu cuchullatami rircanchic.

Dios Rimashcata Quillcashcami

¹³ Uramanta ashalla huaira tiyacpimi, ña rinalla cashcata yuyashpa, anclacunata tandashpa, ri callarircanchic. Chashna rishpaca, Creta llacta cuchullatami rircanchic.

HECHOS 27:13 ပူးပေါင်းရင်းမြစ်များ

SAN LUCAS 12:55

Jahuamanta huaira jataricpica: ‘Ña usiagrinmi’ ninguichicmi. Chashnami tucunlla.

HECHOS 2:11

Shinallatac Creta llactamanta, Arabia llactamantami caipi canchic. Taita Dios cai tucui allicunata ruhuashcataca, tucui shamuccunami ñucanchic quiquin rimaipi uyacunchic— ninacurcacuna.

HECHOS 27:12

Tamia quillacunata mana chaipi caipac cashcamantami: “Creta llactapi cac Fenice puebloman chayashunpishchari” yuyashpa, llucshinata yuyarircacuna. Chai pueblopica janamanta, uramanta huaira shamushpapish, mana imata ruhuacchu carca. Chaimantami tamia quillacunataca chaipi cashun nircacuna.

HECHOS 27:21

Ña tauca punzhacunatami mana micurcanchic. Chaimantami Pabloca tucui chaipi caccunapac chaupipi shayarishpa: —¡Tucui caipi caccuna! Ñuca nishcata uyashca cashpaca, Cretamantaca mana llucshishpa shamunchicmanchu carca. Mana ima cashna llaquitapish apanchicmanchu carca. Imatapish mana shitanchicmanchu carca.

HECHOS 27:8

Munai llaquita apashpami allimanta rishpa, barcocuna shayarina Lasea pueblo uranicpi cac, Alli Shayarina nishcaman chayarcanchic.

TITO 1:12

Creta llactapi causaccunapuramanta shuc yachachicca: “Cretapi causaccunaca llullaccunallami. Sachapi causac animalcuna shinami. Imata mana ruhuasha nishpa, micunallata munancuna” nirca.

TITO 1:5

Yacu chaupipi tiyac Creta llactapi canta saquishpaca, ñuca nishca shinallatac chai allichina cashcata allichichunpish, tandanacushca criccuna tiyac pueblocunapica criccunata pushacta acllashpa churachunpishmi cantaca saquimurcani.