HECHOS 27:1 - Nuevo Testamento en Quichua Cañar 1996

¹ Mandac Festo ñucanchicta ña Italia llactaman cachagricushpaca, Pablotapish, shinallatac shuc prezucunatapish pasac soldadocunata mandac Juliomanmi cushpa cacharca. Chai Julioca Roma*f** llactata jatun mandac Augustopac soldadocunapurami carca.

Dios Rimashcata Quillcashcami

¹ Ñucanchicta Italia llactaman cachanata yuyarishpaca, Pablotapish, shuctac prezucunatapishmi pasac soldadocunata mandac Julioman cushpa cacharca. Paica jatun mandac Augustopac soldadocunapurami carca.

HECHOS 27:1 ပူးပေါင်းရင်းမြစ်များ

SAN MATEO 27:54

Pasac soldadocunata mandacpish, paihuan cuidaccunapish allpa chucchucpi, shinallatac shuctac ima tucushcacunata ricushpapish, munai manchaihuan cashpami: —Cai runaca Diospac Churitacmi cashca— nircacuna.

SAN LUCAS 23:47

Mandac soldado chai tucuita ricushpaca, Taita Diosta “allimari cangui” nishpami: —Cai runaca allita ruhuactacmi cashca— nirca.

SAN LUCAS 7:2

Chaipica, Roma*f** llactamanta pasac soldadocunata mandacpac c'uyashca, shuc servicmi ungushca ña huañugricurca.

HECHOS 10:1

Cesarea pueblopica, Cornelio runami causarca. Paica Italia llactamanta pasac soldadocunata mandacmi carca.

HECHOS 10:22

Chashna nicpi paicunaca: —Ñucanchicca pasac soldadocunata mandac Cornelio cachacpimi shamunchic. Paica Diosta cazushcamanta tucui israelcuna alli nishca runami. Paimanmi Dios cachashca ángel ricurishpaca, paipac huasiman canta pushamuchun, shinallatac can ima huillashcatapish uyachun nishca— nircacuna.

HECHOS 16:10

Pablo chashna muscuipi shina ricushcata huillacpica: “Taita Diosmi ñucanchictaca chai llactapi alli huillaita huillachun c'ayashca” nishpami, Macedonia llactaman rina yuyailla carcanchic.

HECHOS 18:2

Chai puebloman chayashpaca, Ponto llactamanta cac Aquila shuti Israel*f** runahuanmi tuparca. Roma*f** llactata jatun mandac Claudio tucui chaipi causac israelcunata:*f** “Cai llactamanta llucshishpa richic” nishcamantami, chai Aquila runaca paipac huarmi Priscilandic Italia llactamanta llucshishpa, Corinto pueblomanca cunanlla shamushcacuna carca. Pabloca paicunapacmanmi rirca.

HECHOS 19:21

Chai q'uipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantaca: “Roma*f** pueblomanpish rinami cani” nicurcami.

HECHOS 21:32

Chashna huillacpi chai mandacca soldadocunatapish, pasac soldadocunata mandaccunatapish tandachishpami, chai macacuccunapacman callpashpa rircacuna. Chai mandacca tucui soldadocunandic shamucucta ricushpami, Pablota macanata saquircacuna.

HECHOS 22:26

Chashna nicpi, chai mandacca huaranga soldadocunata mandacpacman huillagrishpaca: —Chai runaca Roma llactamanta shinallatacmi cashca. Cunanca, ¿imatac ruhuagringui?— nirca.

HECHOS 23:11

Apunchic Jesusca chai tuta ricurishpami Pablotaca: “Pablo, ama manchanguichu. Ima shinami cai Jerusalenpi ñucamanta huillacungui, chashnallatac Roma*f** pueblopipish huillana cangui” nirca.

HECHOS 23:17

Pabloca huambra huillashcata uyashcahuanmi, pasac soldadocunata mandaccunamanta shuctac c'ayashpaca: —Cai huambrata huaranga soldadocunata mandacpacman pushashpa cui. Paimi imatachari huillac shamushca— nirca.

HECHOS 24:23

Chaimantami Felixca pasac soldadocunata mandactaca: —Pablotaca ricurangui. Maijan paita ricungapac shamuccunatapish, imata cusha niccunatapish ama jarcanguichu— nishpami mandarca.

HECHOS 25:12

Shina nicpi, Festoca paita cunaccunahuan parlanacushpaca: —‘Cesarllatac ñucata tapuchun’ nishcamantaca, cunanca paipacmanmi rina cangui— nirca.

HECHOS 25:25

Chashna nicucpipish, ñuca yuyaipica paita huañuchichunca ima millaita mana ruhuashcachu. Shina cacpipish paillatac: ‘Roma llactata jatun mandac Augustomi tapushpa, imatapish ninga’ nishcamantami, paipacman cachanata yuyarcani.

HECHOS 27:11

Pablo chashna nicpipish, pasac soldadocunata mandacca mana uyarcachu, ashtahuanpish barcota purichic, shinallatac barcoyuc ima nishcallatami uyarca.

HECHOS 27:43

Chashna nicpica, pasac soldadocunata mandacca Pablota mana huañuchisha nishpami: —Huambunata yachaccunarac, huambushpa llucshichic.

HECHOS 27:6

Chaipimi pasac soldadocunata mandacca Alejandría pueblomanta Italia llactaman ricuc barcota ricushpaca, ñucanchicta chai barcopi huichicuchirca.

HECHOS 28:1

Chashna tucui mashna yacumanta allilla llucshishpaca, chai yacu chaupipi cac llactataca Malta cashcatami yachac chayarcanchic.

HECHOS 28:16

Ña Romaman chayashpaca, pasac soldadocunata mandacca chai llactapi soldadocunata mandacmanmi, tucui prezucunata curca. Pablotaca shuc cuidac soldadohuanmi shuc huasipi ch'ican causachun churarca.

HEBREOS 13:24

Tucui cancunata pushaccunatapish, shinallatac Diospaclla cac tucui criccunatapish “allilla cashca cachun” ninchicmi. Italia llactapi causac criccunapish, “allilla cashca cachun” nishpami cachancuna.