HECHOS 26:23 - Nuevo Testamento en Quichua Cañar 1996

²³ Paicunaca: ‘Quishpichic Cristoca llaquita apashpami huañunga. Shina huañushpapish, huañushcacunapuramanta pai punta causarishpami, ñucanchic israelcunamanpish, mana israelcunamanpish achicyachic luz shina quishpirina yuyaita cunga’ nishpami, huillashca carca. Chaitatacmi huillacuni— nirca.

Dios Rimashcata Quillcashcami

²³ Paicunaca: “Quishpichic Cristoca llaquita apashpami huañunga. Shina cashpapish, pairacmi huañushcacunapuramanta causaringa. Israelcunamanpish, mana israelcunamanpish achicyachic luz shinami quishpirinamanta huillanga” nishpami, huillashca carca— nirca.

HECHOS 26:23 ပူးပေါင်းရင်းမြစ်များ

SAN MATEO 26:24

Runa Tucungapac shamushca*f** ñucataca, Dios quillcachishcapi nishca shinallatacmi huañuchingacuna. Ashtahuanpish ñucata japichic runaca, ¡aij, imachari tucunga! Chai runaca mana huacharishca cashpachari ashtahuan alli canman carca— nirca.

SAN MATEO 27:53

Jesús causarishca q'uipaca chaicunaca Diospaclla cac Jerusalén pueblomanmi shamurcacuna. Chaipimi achca gentecuna ricurcacuna.

SAN LUCAS 2:32

Mana Israelpura*f** gentecunamanpish, paica achicyachic shinami yuyaita cunga. Can acllashca israelcunatapish, paimantami alli ningacuna” nirca.

SAN LUCAS 24:26

Quishpichic Cristoca Taita Dios alli nishpa jatunyachishca cangapacca, ¿manachu llaquitarac apana carca?— nirca.

SAN LUCAS 24:46

Yachachicushpaca: —Dios quillcachishcapi nishca shinaca, Quishpichic Cristoca huañunami carca. Huañushpapish, quimsa punzhapica huañushcacunapuramanta causarinami carca.

SAN JUAN 10:18

Ñucataca pi mana huañuchingachu, ashtahuanpish ñucallatac huañusha nicpimi, ñucataca huañuchingacuna. Ñucaca huañunatapish, causarinatapish pudinimi. Chashna ruhuachunmi, ñuca Taitaca mandarca— nirca.

SAN JUAN 11:25

Shina nicpi Jesusca: —Ñucami causaita cucpish, huañushcacunata causachicpish cani. Maijanpish ñucata cricca huañushpapish causaringami.

HECHOS 13:34

Shinallatac Taita Diosca: ‘Davidta llaquishpa, allicunata cusha’ nishcamantami, Jesusta huañushcacunapuramanta causachishpaca, ña mana cutin huañushpa ismuchun paipac cuerpotaca mana saquircachu.

HECHOS 26:18

Canmi paicuna amsapi shina causacuccunataca, ñahuita pascac shina alli yuyaita cungui. Chashna ruhuacpimi, Satanás*f** mandacushcamanta anchurishpa, Taita Dios mandashca causangacuna. Ñucata cricpimi, Taita Dios paicunapac juchacunata perdonanga. Shinallatac Taita Dios paipaclla cachun acllashcacunaman cusha nishcatapish chasquingacunami’ nircami.

HECHOS 26:8

Shinashpaca, huañushcacunata Taita Dios causachina cashcataca, ¿ima nishpatac cancuna israelcunaca mana cringuichic?

HECHOS 3:18

Shina huañuchicpica, chaitaca Diosmanta ñaupa huillaccuna: ‘Quishpichic Cristoca llaquita apashpami huañunga’ nishpa huillashcatami, Taita Diosca pactachishca.

HECHOS 3:24

Diosmanta ñaupa huillaccunaca Samuelmanta callarishpami, cai punzhacunapi ima tucunamantaca tucui huillashcacuna.

1 CORINTIOS 15:3

Tucuimanta yallica, ñuca ima shina chasquishca shinallatacmi, cancunamanpish yachachircani. Dios quillcachishcapi nishca shinallatacmi, Cristoca ñucanchic juchacunata perdonangapac huañurca.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

COLOSENSES 1:18

Shinallatac Cristomi tandanacushca criccunataca uma shina mandacun. Tandanacushca criccunaca paipac cuerpo shinami canchic. Pai manarac ima tiyacpi, ña tiyac cashcamanta, shinallatac huañushcacunapuramanta punta causaric cashcamantami, Taita Diosca tucuita punta cachun churarca.

HEBREOS 2:10

Tucui ima tiyashcatapish Diosmi ruhuashca. Chaimantami tucui imapish paipaclla can. Taita Diosca tucui paipac huahuacuna paipac sumaimana cushicuita japichunmi munan. Chaimantami Diosca paicunata Quishpichic Jesucristotaca, pai llaquita apashcamanta sumacyachirca.

APOCALIPSIS 1:5

Shinallatac cai pachapi tiyac jatun mandaccunata Mandac, huañushcacunapuramanta punta causaric Jesucristo cancunaman sumac causaita cuchunmi munani. Paica Diosmanta allita huillacmi. Jesucristoca c'uyac cashpami paipac yahuarta jichashpa, juchapi huatashca shina causacucpi ñucanchictaca cacharichirca.