HECHOS 25:5 - Nuevo Testamento en Quichua Cañar 1996

⁵ Imata juchanchishun nishpaca, mandaccunapura ñucahuan Cesareaman jacuchic. Pai ima mana allita ruhuashca cacpica, chaipi juchanchinguichicllami— nirca.

Dios Rimashcata Quillcashcami

⁵ Imata juchanchina tiyacpica, mandaccuna ñucahuan Chaiman jacuchic. Chai runa ima mana allita ruhuashca cacpica, chaipi juchanchinguichic— nirca.

HECHOS 25:5 ပူးပေါင်းရင်းမြစ်များ

HECHOS 18:14

Chaimanta Pablo ña rimagricpica, Galionracmi israelcunataca cashna rimarca: —Uyaichic, israelcuna. Cai runa ima mana allita ruhuac, huañuchic cacpica, ñucaca cancuna huillashcata uyaimanmi carcani.

HECHOS 23:30

Israelcuna cai runata huañuchishun nishcata yachashpami, cambacman cachani. Paita huañuchishun niccunatapish, cambacman richun nircanimi. Chaipi paicuna imamanta juchanchicushcatapish, huañuchishun nicushcatapish tapunguilla. Chaillatami mañani. Caya minchacaman” nishpami quillcarca.

HECHOS 24:8

Chashna quichushpami, paita juchanchiccunataca can mandac Felixpac ñaupapi tapuchun nirca. Cunanca canllatac ñucanchic imamanta juchanchicushcataca tapuilla— nirca.

HECHOS 25:16

Shina nicpimi paicunataca: ‘Imata juchanchicushcata manarac ñahuinchinacushpa, imapish cashcatatac manarac alli yachashpaca, Roma*f** llactata mandaccunaca pitapish mana huañuchichun ninchicllachu’ nircani.

HECHOS 25:25

Chashna nicucpipish, ñuca yuyaipica paita huañuchichunca ima millaita mana ruhuashcachu. Shina cacpipish paillatac: ‘Roma llactata jatun mandac Augustomi tapushpa, imatapish ninga’ nishcamantami, paipacman cachanata yuyarcani.

HECHOS 25:4

Paicuna chashna nicpi Festoca: —Pablotaca Cesarea pueblollapitac prezu charicuncunaca. Ñucallatac ñami chaiman rigrini.

HECHOS 25:6

Festoca pusac punzha yalli shinatami Jerusalenpica carca. Chaimanta cutin Cesareaman cutimushpaca, cayandic punzhaca pai mandashpa tiyarinapi tiyarishpami, Pablota c'ayac cacharca.