HECHOS 25:11 - Nuevo Testamento en Quichua Cañar 1996

¹¹ Huañuchina imapish mana caipaccunata ñuca ruhuashca cashpaca, huañuchichun nimanllami. Paicuna juchanchicushca manapish chashna cacpica, ñucataca pi mana paicunaman cachangallachu. Ñucataca Cesarllatac tapuchun ninimi— nirca.

Dios Rimashcata Quillcashcami

¹¹ Huañuchishca canapac shina, ñuca ima millaita ruhuashca cacpica, huañuchichunlla. Paicuna juchanchicushca mana cierto cacpica, ñucataca pi mana paicunaman cungallachu. Ñucataca Cesarllatac taripachun— nirca.

HECHOS 25:11 ပူးပေါင်းရင်းမြစ်များ

HECHOS 16:37

Shina nicpipish, Pabloca soldadocunataca: —Ñucanchicca Roma llactamanta cashca shinallatacmi canchic. Shina cacpipish ñucanchictaca manarac imata tapushpami, tucui gentecunapac ñaupapi macachishpa, carcelpi churachircacuna. Chashna ruhuashca jahuachu, cunanca pacalla cacharichun nishcacuna. Paicuna cacharingapac shamungacamanmi, ñucanchicca mana rishpa, caillapitac cashun— nirca.

HECHOS 18:14

Chaimanta Pablo ña rimagricpica, Galionracmi israelcunataca cashna rimarca: —Uyaichic, israelcuna. Cai runa ima mana allita ruhuac, huañuchic cacpica, ñucaca cancuna huillashcata uyaimanmi carcani.

HECHOS 22:25

Chaipi paita huatashpa macagricucpimi, pasac soldadocunata mandactaca Pabloca: —Uyai. Ñucaca Roma*f** llactamanta cashca shinallatacmi cani. Mandashcapi nishca shinaca, manarac imata tapushpaca, ¿ñucata macanallachu canga?— nirca.

HECHOS 25:10

Shina nicpi Pabloca: —Canca jatun mandac César churashca, cai llactata ricucmi cangui. Chaimanta canllatac ñucataca tapuilla. Ñucaca israelcunata ima mana allita mana ruhuashcataca, canllatac yachanguimi.

HECHOS 25:12

Shina nicpi, Festoca paita cunaccunahuan parlanacushpaca: —‘Cesarllatac ñucata tapuchun’ nishcamantaca, cunanca paipacmanmi rina cangui— nirca.

HECHOS 25:21

Chashna tapucpica paillatacmi: ‘Roma llactata jatun mandac Augustopac ñaupapi ñahuinchinacungacaman, caillapitac casha’ nirca. Shina nicpimi, jatun mandac Augustopacman apangacaman soldadocuna cuidachun nircani— nirca.

HECHOS 25:25

Chashna nicucpipish, ñuca yuyaipica paita huañuchichunca ima millaita mana ruhuashcachu. Shina cacpipish paillatac: ‘Roma llactata jatun mandac Augustomi tapushpa, imatapish ninga’ nishcamantami, paipacman cachanata yuyarcani.

HECHOS 26:32

Shina parlanacucushpami Festota Agripaca: —‘Jatun mandac Cesarmi*f** ñucata tapushpa imatapish ninga’ nishpa, paillatac mana nishca cacpica, cai runataca ñami cacharinchicman carcanchic— nirca.

HECHOS 28:19

Ashtahuanpish israelcuna p'iñashcamantami: ‘Roma llactata jatun mandac Cesarmi*f** ñucataca tapushpa, imatapish ninga’ nircani. Chashna nishpaca, mana paicunata juchanchingaraicuchu chashnaca nircani.

1 TESALONICENSES 2:15

Diosmanta ñaupa huillaccunata huañuchishca shinallatacmi, Apunchic Jesustaca chai israelcunallatac huañuchircacuna. Cutin ñucanchictaca p'iñashpami llaquichircacuna. Chai shina tucuita p'iñashpaca, Taita Diostapish p'iñancunami.