HECHOS 24:22 - Nuevo Testamento en Quichua Cañar 1996

²² Chashna nicta mandac Felix uyashpaca, Jesusta criccuna ima shina c'aticushcata yachashpami: —Huaranga soldadocunata mandac Lisias shamucpimi, cancuna imata nisha nishcataca alli yachashpa, imatapish nisha— nishpami saquircalla.

Dios Rimashcata Quillcashcami

²² Mandac Felixca Jesusta criccunamanta allimi yacharca. Chaimantami chashna nicta uyashpaca: —Huaranga soldadocunata mandac Lisias shamucpimi, caimanta ashtahuan yachashpa, imatapish nisha— nishpami saquirca.

HECHOS 24:22 ပူးပေါင်းရင်းမြစ်များ

SAN MATEO 2:7

Chashna huillacpimi, Herodesca yachac runacunata c'ayashpa, pacalla tapurca. Chaipimi paicunaca ima punzha lucerota ricushcata tucui huillarca.

HECHOS 18:20

Maijancuna “ashtahuan saquirilla” nicucpipish, Pabloca mana saquirisha nircachu. Chaimantami:

HECHOS 19:40

Cunan cashna jatarishcamanta mandaccuna tapucpica, ñucanchicca llaquimari tucushun. ‘¿Imamantatac jatarircanguichic?’ nishpa juchanchicpica, imatapish mana ni pudishunchu— nirca.

HECHOS 24:10

Shina nicpi, chai mandacca Pablota maquihuan seña ruhuashpa ricuchicpica, Pabloca: —Canca tauca huatacunata cai llactata alli mandac cashcata yachanimi. Chaimantami ñuca ima shina cashcataca cushicushpa huillasha nini.

HECHOS 24:14

Caillatami canman huillagrini: ‘Mana allita c'aticcunapurami’ nicucpipish, ñucaca Jesusta c'atishpa, ñaupa taitacuna shinallatac Taita Diosman mañacmi cani. Moisés mandashcacunapi imalla quillcachishcatapish, shinallatac ñaupa huillaccunaman Dios quillcachishcatapish, tucuitami crini.

HECHOS 24:24

Asha punzhacuna q'uipami, Felixca israelcunapuramanta cac paipac huarmi Drusilandic shamushpa, Pablota c'ayachirca. Chashna c'ayachishpaca, Jesucristota ima shina crinamantami tapurca.

HECHOS 24:6

Diosman mañana huasitapish mana Diospac cashca shinatami ruhuashpa puricushca. Chaimantami paitaca ñucanchicta mandashcacunapi nishca shina tapushun nishpa japircanchic.

HECHOS 25:26

Ñucaca pai imata ruhuashcata mana alli yachashcamantami, jatun mandac Augustomanca mana imata quillcai pudini. Chaimantami jatun mandac Agripalla, can imatapish tapucpi chaita quillcashpa cachangapac cambac ñaupaman, shinallatac tucui caipi caccunapac ñaupaman paitaca apamuni.

HECHOS 26:3

Tucuita yallica, ñucanchic israelcunapura imata ruhuac cashcatapish, imamanta rimanacucushcatapish, canca alli yachanguimi. Chaimanta cantaca: ‘Ama p'iñarishpa, ñuca huillashcata allita uyai’ nishpami mañani.

HECHOS 9:2

Chaiman rishpaca: “Damasco pueblopi tandanacuna huasicunapi yaicushpa, Jesusta c'aticcunata c'aricuna cachun, huarmicuna cachun, cai Jerusalenman prezu apamungapac quillcata cui” nirca.