HECHOS 23:21 - Nuevo Testamento en Quichua Cañar 1996

²¹ Paicuna chashna nicpipish, ama cringuichu. Chuscu chunga yalli runacunami pacalla chapagricuncuna. Paicunaca: ‘Pablota huañuchingacamanmi, imata mana micushun, imata mana ubiashun. Ñucanchic mana chaita pactachicpica, Taita Dios ñucanchicta llaquichichun’ nishpami yuyarishcacuna. Cunanca can imata nicllatami shuyacuncuna— nirca.

Dios Rimashcata Quillcashcami

²¹ Chaitaca ama cringuichu. Chuscu chunga yalli runacunami pacalla chapagricuncuna. Paicunaca Pablota huañuchingacaman, imata mana micungapac, imata mana ubiangapacmi ari nishca. Mana chaita pactachicpica, Dios llaquichichun nishcacunami. Cunanca can imata nicllatami shuyacun— nirca.

HECHOS 23:21 ပူးပေါင်းရင်းမြစ်များ

SAN LUCAS 11:54

Ima mana allita nicpica, juchanchingapacmi chashnaca tapurcacuna.

HECHOS 20:19

Ñucaca mana jatun tucushpami, Apunchic Jesusta servircani. Jesusta mana cric israelcuna*f** ñucata llaquichicpipish, llaquita apashpa huacarcanimi.

HECHOS 23:22

Chashna huillacpi chai mandacca: —Caipi ñucaman huillashcataca, pacta piman huillanguiman— nishpami, huambrataca cacharca.

HECHOS 25:3

Chaipimi paitaca: —Ñucanchicmi caita mañac shamunchic: Pablota cai Jerusalenman apamuchun cachashpa cui— nircacuna. Jerusalenman Pablo shamucucpica, ñanpi chapashpa huañuchinatami paicunaca yuyarinacushca carcacuna.

ROMANOS 9:3

Chaimantami ñuca quiquin aillucunapac randi, ñucallatac Cristomanta anchurishpa, llaquichishca canata munaiman.

2 CORINTIOS 11:26

Tauca cutinmi ñucaca ñancunapipish, yacupipish huañuna manchai, shuhuana manchai, ñuca llacta gentecunamantapish, caru llacta gentecunamantapish manchai carcani. Shinallatac pueblocunapipish, shitashca pambacunapipish, mama cuchapipish manchaimi carcani. “Criccunami canchic” nishpa, llullashpa puriccunamantapish manchaimi purircani.