HECHOS 23:10 - Nuevo Testamento en Quichua Cañar 1996

¹⁰ Chai tucui tandanacuipi caccuna p'iñanacui callaricpimi, huaranga soldadocunata mandacca: “Cunanca Pablotaca, ¡imatachari ruhuangacuna!” nishpa, munai mancharirca. Chaimantami Pablotaca chai tandanacushcacunapac chaupimanta llucchishpa, soldadocuna causana huasiman cutin apachun soldadocunata c'ayac cacharca.

Dios Rimashcata Quillcashcami

¹⁰ Tucui gentecuna yallita bullai callaricpimi, huaranga soldadocunata mandacca Pablota llaquichinata manchashpa, soldadocunata cayac cacharca. Paicunami Pablotaca cuartelman aparca.

HECHOS 23:10 ပူးပေါင်းရင်းမြစ်များ

HECHOS 21:37

Soldadocuna causana huasiman ña yaicuchigricucpimi, Pabloca soldadocunata mandactaca: —¿Manachu imata ni pudini?— nishpa tapurca. Shina nicpi chai mandacca: —Canca, ¿griego*f** rimaita yachanguichu?

HECHOS 22:24

Chashna ruhuacpimi, huaranga soldadocunata mandacca: —¡Cancuna causana huasiman Pablota yaicuchishpa, imamanta chashna paita p'iñashpa, caparishcata huillangacaman macaichic!— nishpami, soldadocunataca mandarca.

HECHOS 23:16

Ashtahuanpish chai parlanacushcataca Pablopac panipac c'ari huahua uyashpami, soldadocuna causana huasipi Pabloman huillangapac rirca.

HECHOS 23:27

Cai ñuca cachashca runataca, israelcuna*f** japishpa huañuchigricucpimi, pai Roma*f** llactamanta shina cashcata yachashpa, ñuca soldadocunahuan rishpa misarcani.

HECHOS 23:28

Chaimantaca paita imamanta huañuchishun nishcata yachangapacca, mandaccunapuralla tandanacushcamanmi aparcani.

HECHOS 23:32

Cayandic punzhaca chaquillahuan ric soldadocunaca, caballopi ric soldadocunallata Pablohuan cachashpami, soldadocuna causana huasillamantac cutircacuna.

HECHOS 24:7

Chashna japishpa charicucpimi, huaranga soldadocunata mandac Lisiasca p'iñarishpa, shamushpa quichurca.

2 CORINTIOS 11:26

Tauca cutinmi ñucaca ñancunapipish, yacupipish huañuna manchai, shuhuana manchai, ñuca llacta gentecunamantapish, caru llacta gentecunamantapish manchai carcani. Shinallatac pueblocunapipish, shitashca pambacunapipish, mama cuchapipish manchaimi carcani. “Criccunami canchic” nishpa, llullashpa puriccunamantapish manchaimi purircani.

SANTIAGO 1:19

Ñuca c'uyashca criccuna, imapish uyanallataca alli uyaichic. Shinallatac rimaringapacpish, p'iñaringapacpish jarcariccuna caichic. Chaitaca alli yuyarichic.

SANTIAGO 3:14

Shina cashpapish shuccuna ama charichun nishpa shungupi p'iñanacushpaca, “yachacmi cani” nishpaca, mana jatun tucunachu canguichic. Chashna ruhuashpaca, cashcata nic huillashcata mana cazunguichicchu.