HECHOS 22:5 - Nuevo Testamento en Quichua Cañar 1996

⁵ Ñuca chashna cashcataca, curacunata jatun mandac curapish, cunac yuyaccunapish tucuimi alli yachancuna. Damasco pueblopi causac criccunata japimushpa, cai Jerusalenpi llaquichichunca, paicunami chashna mandashpa quillcata curcacuna. Chaimantami chai puebloman rircani.

Dios Rimashcata Quillcashcami

⁵ Chaitaca, curacunata jatun mandac curapish, pushac yuyaccunapish yachanmi. Paicunallatacmi Damasco pueblo criccunata japishpa, cai Jerusalenpi llaquichingapac apamuchun, quillcata curcacuna. Chaimantami criccunata japimungapac chai puebloman rircani.

HECHOS 22:5 ပူးပေါင်းရင်းမြစ်များ

SAN LUCAS 22:66

Ña pacaricpimi, Israel*f** curacunata mandac curacunapish, cunac yuyaccunapish, mandashcacunata yachachiccunapish tandanacushpa, mandaccunapuralla tandanacushcapacman Jesustaca aparcacuna. Chaiman apacpica:

HECHOS 1:15

Chai punzhacunapica, Jesusta criccunaca pasac ishcai chunga shinami tandanacushca carcacuna. Paicunapac ñaupapimi Pedroca shayarishpa cashna nirca:

HECHOS 13:26

Ñucanchic taita Abrahammanta mirarishca huauquicunalla, shinallatac Taita Diosta manchac caishuccunapish, cai quishpirinamanta huillashcaca cancunamanmi.

HECHOS 2:29

Caipi tandanacushca Israel*f** huauquicunalla, caillata uyaichic: Ñucanchic ñaupa mandac Davidmantaca, tucui ima shina cashcatami huillagrini. Pai huañucpica, enterrarcacunami. Pai maipi enterrashcatapish yachanchicmi.

HECHOS 22:1

—Caipi tandanacushca Israel huauquicuna, taitacuna, ñuca huillashcata uyaichic. Ñuca ima shina cashcataca, cancunaman huillasha ninimi— nirca.

HECHOS 23:1

Chai tandanacushca mandaccunata ricushpami Pabloca: —Caipi tandanacushca tucui Israel*f** huauquicuna. Ñucaca cunan punzhacamanmi, Taita Diospac ñaupapica alli shunguhuan causacuni— nirca.

HECHOS 23:6

Chai tandanacushca mandaccunapuramanta maijancunaca saduceocuna,*f** maijancunaca fariseocuna*f** cacta ricushpami, tucui chaipi caccunapac ñaupapi Pabloca sinchita rimashpaca: —Caipi tandanacushca huauquicuna. Ñucaca fariseo runami cani. Ñuca taitapish fariseomi. Taita Dios huañushcacunata causachinata crishcamantami, caipi cancuna ñucata tapushpa juchanchicunguichic— nirca.

HECHOS 26:10

Jerusalenpipish chashnallatac ruhuashpami, curacunata mandac curacunaman quillcata mañashpa, Diospaclla cac criccunataca taucacunata carcelpi churarcani. Paicunata huañuchicpipish, ‘allitami ruhuancuna’ nicmi carcani.

HECHOS 26:11

Mai tandanacuna huasicunapipish yaicushpami, criccunataca japishpa, ña ama c'atichun tauca cutin p'iñashpa llaquichic carcani. Mana Jerusalenllapichu llaquichircani, ashtahuanpish caishuc llactacunapi tiyac pueblocunapipish, paicunata mana ricusha nishpa, llaquichishpami puric carcani.

HECHOS 26:12

Ñucaca chashna llaquichina yuyailla cashpami, curacunata mandac curacuna quillcata cushpa cachacpica, Damasco puebloman ricurcani.

HECHOS 28:17

Roma*f** puebloman chayashca quimsa punzhapimi, Pabloca chaipi causac israelcunapuramanta*f** mandaccunata c'ayac cacharca. Paicuna ña tandanacumucpica: —Caipi tandanacushca tucui Israel*f** huauquicuna. Ñucanchic israelcunapurapica, pitapish ima mana allita mana ruhuashcanichu. Ñucanchic ñaupa taitacuna imata ruhuana cashcatapish, mana saquishpami pactachircani. Shina cacpipish Jerusalenpica ñucata prezu japishpami, Roma llactata mandaccunaman curcacuna.

HECHOS 28:21

Pablo chashna nicpimi paicunaca: —Ñucanchicmanca can ima shina cashcata huillashpaca, pi mana Judea llactamanta quillcashpa cachashcachu. Ñucanchicpuracuna chaimanta shamushpapish, can mana alli cashcataca mana pi nishcachu.

HECHOS 3:17

Caipi cac tucui Israel*f** huauquicuna. Cancunapish, cancunata mandaccunapish mana yachashpa, Jesusta huañuchishcatami yachani.

HECHOS 4:5

Cayandic punzhaca israelcunata*f** mandaccunapish, cunac yuyaccunapish, mandashcacunata yachachiccunapish Jerusalenpimi tandanacurcacuna.

HECHOS 5:21

Ángel chashna nicpica, manarac alli pacaricpimi, Diosman mañana huasiman rishpa yachachi callarircacuna. Chashna yachachicucpimi, curacunata jatun mandac curaca tucui paihuan caccunandic, tucui israelcunata*f** cunac yuyaccunata mandaccunapuralla tandachircacuna. Chai q'uipami, Jesús acllashca huillaccunataca carcelmanta apamuchun cacharcacuna.

HECHOS 9:14

Cunanpish canman mañaccunata huatashpa apangapacmari, curacunata mandac curacunaman quillcata mañashpa shamushca— nirca.

GÁLATAS 1:13

Ñuca ñaupaman israelcuna*f** yachachishcata c'aticushpaca, Diospaclla tandanacushca criccunata yallita llaquichishpa, ima shinapish tucuchina yuyaihuan puricushcataca cancunallatac uyashcanguichicmi.

FILIPENSES 3:6

Chaicunata cazuchisha nishpami, tandanacushca criccunataca p'iñashpa llaquichic carcani. Mandashcacunata alli pactachic cacpimi, pipish ñucataca imamanta mana juchanchic carcacuna.

1 TIMOTEO 4:14

Criccunata pushaccuna cambac uma jahuapi maquita churashpa mañacpica, Dios imata ruhuachun cushcata pacta cungaringuiman. Paicunaca Taita Dios yuyaita cucpimi, chashnaca ruhuarcacuna.