HECHOS 22:3 - Nuevo Testamento en Quichua Cañar 1996

³ —Ñucaca Cilicia llactapi cac Tarso pueblopi huacharishca, Israel runami cani. Shina cashpapish, cai Jerusalén pueblopimi huiñarcani. Ñucaca Gamaliel runa alli yachachishcami cani. Chaimanta ima shinami ñucanchic ñaupa taitacunaman mandashcacunata cancuna cunan punzhacunapi pactachicunguichic, shinallatac ñucapish Taita Diospaclla causashpa pactachicmi cani.

Dios Rimashcata Quillcashcami

³ «Ñucaca Cilicia llacta Tarso pueblopi huacharishca, Israel runami cani. Shina cashpapish, cai Jerusalén pueblopimi huiñarcani. Ñucataca Gamalielmi allita yachachirca. Ñaupa taitacunaman mandashcacunata tucuita pactachicmi cani. Ima shinami cunan punzhacunapi cancuna tucui shunguhuan Diosta servicunguichic, chashnatacmi ñucapish servini.

HECHOS 22:3 ပူးပေါင်းရင်းမြစ်များ

SAN LUCAS 10:39

Martaca María shuti ñañantami charirca. Mariaca Jesuspac ñaupapimi imalla yachachishcata uyangapac tiyarirca.

SAN LUCAS 2:46

Ña quimsa punzhata mashcacushpallami, Diosman mañana huasi ucupi mandashcacunata yachachiccunahuan, paicunata uyashpa, tapushpa tiyacucta tarircacuna.

SAN LUCAS 8:35

Chaita uyac gentecuna Jesuspacman ña chayamushpaca, supaicunata llucchishca, churanatapish churashca, ña alli yuyaihuan Jesuspac ñaupapi tiyacuctami chai runataca ricurcacuna. Chashna ricushpaca, munaimi mancharircacuna.

HECHOS 11:25

Chashna achcacuna cricpimi, Bernabeca Tarso pueblopi Saulota mashcangapac rirca. Chaipi tupashpaca, Antioquía pueblomanmi pushamurca.

HECHOS 15:23

Chashna acllashpaca, paicuna apachunmi cashna quillcarcacuna: “Jesús acllashca huillaccunapish, criccunata pushaccunapish, ñucanchicca Antioquía pueblopi, Siria llactapi, Cilicia llactapi causac mana Israel criccunatapish ‘allillachu canguichic’ ninchicmi.

HECHOS 15:41

Paicunaca Siria llactata, Cilicia llactata rishpami, chai llactacunapi causac tandanacushca criccunamanca ashtahuan alli c'atina yuyaita cushpa rircacuna.

HECHOS 21:20

Chashna parlacta uyashpaca, tucuimi Taita Diostaca “allimari cangui” nircacuna. Shina nishca q'uipami, Pablotaca cashna nircacuna: —Huauqui, riquiyari. Huaranga huaranga israelcunami*f** Jesustaca crishca. Tucui chaicunami: ‘Moisés mandashcacunataca cazunami canchic’ nicuncuna.

HECHOS 21:39

Chashna tapucpi Pabloca: —Ñucaca Cilicia llactapi cac, tucuipac alli nishca Tarso pueblomanta Israel*f** runamari cani. Chaimanta ñuca cai tucui gentecunamanca, ¿manachu ashata huillachun saquinguiman?— nirca.

HECHOS 23:34

Quillcata ña ricushpaca, chai mandacca: —Canca, ¿maimantatac cangui?— nishpa tapucpi, Pabloca: —Ñucaca Cilicia llactamantami cani— nirca.

HECHOS 23:6

Chai tandanacushca mandaccunapuramanta maijancunaca saduceocuna,*f** maijancunaca fariseocuna*f** cacta ricushpami, tucui chaipi caccunapac ñaupapi Pabloca sinchita rimashpaca: —Caipi tandanacushca huauquicuna. Ñucaca fariseo runami cani. Ñuca taitapish fariseomi. Taita Dios huañushcacunata causachinata crishcamantami, caipi cancuna ñucata tapushpa juchanchicunguichic— nirca.

HECHOS 26:5

Uchillamanta pacha fariseopurami*f** cani. Shina cashpami, ñucanchic israelcuna crishcataca, tucuita alli pactachic cani. Chaitaca paicunallatac allimi yachancuna. Chaimanta huillashun nishpapish, huillachunlla.

HECHOS 26:9

Ñaupaca ñucallatacmi: ‘Nazaret pueblomanta Jesús huañushpa causarishcata criccunataca, imatapish ruhuashpa llaquichinaca allimi’ nishpa yuyarcani.

HECHOS 5:34

Ashtahuanpish mandaccunapuramanta Gamaliel shuti fariseo*f** runa shayarishpami: —Cai runacunata canzhaman llucchichic— nirca. Gamalielca tucuipac alli nishca, Moisés mandashcacunata alli yachachicmi carca.

HECHOS 6:9

Chashna ruhuashpa puricucpimi, maijan runacunaca Estebanhuan rimarinacui callarircacuna. Paicuna tandanacuna huasica: “Servic cashcamanta cacharichishca” shutitami charirca. Paicunapurapica Cirene pueblomanta, Alejandría pueblomanta, Cilicia llactamanta, Asia llactamantapish carcacunami.

HECHOS 9:1

Sauloca Apunchic Jesusta criccunataca huañuchisha ninataca mana saquircachu. Chaimantami Israel*f** curacunata jatun mandac curapacman rirca.

HECHOS 9:11

Shina nicpi, Apunchic Jesusca paitaca: —Jatari. Derecha shuti ñanman ri. Judaspac huasipi yaicushpa, Tarso pueblomanta Saulo runata tapui. Paica chai huasipimi Taita Diosman mañashpa shuyacun.

HECHOS 9:30

Criccuna chaita yachashpami, Saulotaca Cesarea pueblocaman pushashpa, Tarso puebloman cacharcacuna.

ROMANOS 11:1

¿Cunanca imatatac nishun? ¿Taita Diosca pai acllashca israelcunataca*f** p'iñashpachu shitashca canga? ¡Mana chashna yuyanachu canchic! Ñucallatacmi taita Abrahampac huahua huahuapura cashcamantaca, Benjaminpac aillu israel cani.

2 CORINTIOS 11:22

Paicunaca “hebreocunami*f** canchic” ninchari, ñucapish chaillatacmi cani. Paicunaca “israelcunami*f** canchic” ninchari, ñucapish chaillatacmi cani. Paicunaca “Abrahampac huahua huahuacunami canchic” ninchari, ñucapish chaillatacmi cani.

GÁLATAS 1:14

Ñucaca ñaupa taitacuna yachachishcata allita huacaichic cashpami, israelcuna yachachishcata c'aticushpaca, ñucahuan huiñai israelcunata atishpa ashtahuan alli cazuc carcani.

GÁLATAS 1:21

Chai q'uipaca Siria llactaman, Cilicia llactamanmi rircani.