HECHOS 22:1 - Nuevo Testamento en Quichua Cañar 1996

¹ —Caipi tandanacushca Israel huauquicuna, taitacuna, ñuca huillashcata uyaichic. Ñuca ima shina cashcataca, cancunaman huillasha ninimi— nirca.

Dios Rimashcata Quillcashcami

¹ «Israel huauquicuna, taitacuna, ñuca rimashcata uyaichic» nirca.

HECHOS 22:1 ပူးပေါင်းရင်းမြစ်များ

SAN LUCAS 12:11

Tandanacuna huasicunamanpish, mandaccunapacmanpish, juezcunapacmanpish cancunata apashpa ricpica: ‘¿Imatatac rimashun?’ nishpa, ama manchailla canguichicchu.

SAN LUCAS 21:14

Paicunapac ñaupapica: ‘¿Imatashi nishun?’ nishpa, ama chai yuyailla canguichicchu.

HECHOS 13:26

Ñucanchic taita Abrahammanta mirarishca huauquicunalla, shinallatac Taita Diosta manchac caishuccunapish, cai quishpirinamanta huillashcaca cancunamanmi.

HECHOS 19:33

Chai tandanacushcacunapac chaupimantami, israelcunaca*f** Alejandro runataca imallatapish nichun t'angashpa cacharcacuna. Chashna cachacpi, Alejandroca tucui chaipi caccunapac ñaupapi shayarishpa, maquihuan upallachishpami: “Ñucanchic israelcunaca mana jatarichishcanchicchu” ninata munarca.

HECHOS 23:1

Chai tandanacushca mandaccunata ricushpami Pabloca: —Caipi tandanacushca tucui Israel*f** huauquicuna. Ñucaca cunan punzhacamanmi, Taita Diospac ñaupapica alli shunguhuan causacuni— nirca.

HECHOS 23:6

Chai tandanacushca mandaccunapuramanta maijancunaca saduceocuna,*f** maijancunaca fariseocuna*f** cacta ricushpami, tucui chaipi caccunapac ñaupapi Pabloca sinchita rimashpaca: —Caipi tandanacushca huauquicuna. Ñucaca fariseo runami cani. Ñuca taitapish fariseomi. Taita Dios huañushcacunata causachinata crishcamantami, caipi cancuna ñucata tapushpa juchanchicunguichic— nirca.

HECHOS 24:10

Shina nicpi, chai mandacca Pablota maquihuan seña ruhuashpa ricuchicpica, Pabloca: —Canca tauca huatacunata cai llactata alli mandac cashcata yachanimi. Chaimantami ñuca ima shina cashcataca cushicushpa huillasha nini.

HECHOS 25:16

Shina nicpimi paicunataca: ‘Imata juchanchicushcata manarac ñahuinchinacushpa, imapish cashcatatac manarac alli yachashpaca, Roma*f** llactata mandaccunaca pitapish mana huañuchichun ninchicllachu’ nircani.

HECHOS 25:8

Chashna juchanchicucpimi, Pabloca pai ima shina cashcata israelcunaman huillashpaca: —Moisés mandashcacunapi ima nishcatapish ‘mana allimi’ nishpaca, mana nishcanichu. Diosman mañana huasita ‘yangallami’ nishpapish, mana nishcanichu. Roma llactata jatun mandac Cesartapish*f** ima mana allitaca mana nishcanichu— nirca.

HECHOS 26:24

Pai ima shina cashcata Pablo alli huillacucpimi, jatun mandac Festoca: —¡Pablo, canca urado shinami cangui! Yallimana yachacushpachari, chashnaca tucunguiyari— nishpami, sinchihuan nirca.

HECHOS 28:17

Roma*f** puebloman chayashca quimsa punzhapimi, Pabloca chaipi causac israelcunapuramanta*f** mandaccunata c'ayac cacharca. Paicuna ña tandanacumucpica: —Caipi tandanacushca tucui Israel*f** huauquicuna. Ñucanchic israelcunapurapica, pitapish ima mana allita mana ruhuashcanichu. Ñucanchic ñaupa taitacuna imata ruhuana cashcatapish, mana saquishpami pactachircani. Shina cacpipish Jerusalenpica ñucata prezu japishpami, Roma llactata mandaccunaman curcacuna.

HECHOS 7:2

Chashna tapucpi Estebanca: —Caipi tandanacushca tucui Israel*f** huauquicuna, taitacuna, ñuca rimashcata uyaichic. Sumac Taita Diosca ñucanchic ñaupa taita Abrahammanca, manarac Harán pueblopi causangapac ricpimi, Mesopotamia llactapi ricurirca.

ROMANOS 2:15

Paicunaca paicunapac ruhuashcahuanmi, paicunapac shungupi mandashcacuna quillcashca shina cashcata ricuchicun. Paicunapac shungupi allita, mana allita yachashpami, paicunapac yuyai alli cacpica, alli ninga. Mana alli cacpica, mana alli ninga.

1 CORINTIOS 9:3

Ñucata juchanchishpa rimaccunataca cashnami nini:

2 CORINTIOS 12:19

Ñucanchic cancunata ima mana allita ruhuashcamanta “allipi llucshingaraicumi chashnaca nicun” ninguichicchari. ¡Mana chashnachu! Ashtahuanpish ñucanchicca Taita Diospac ñaupapi, shinallatac Jesucristopac acllashcacuna cashcamantami chashnaca ninchic. C'uyashca criccuna, imatapish ruhuashpaca, tandanacushca criccuna sinchiyashpa c'atichunmi chashnaca ruhuanchic.

2 CORINTIOS 7:11

Cancuna Dios munashca shina llaquirishcamantaca, imata tucushcataca yuyarichic. Chashna llaquirishcamantami ima shina cashcata yuyarishpa, allichirishpa, yuyaita japircanguichic. Shinallatac p'iñarishpapish, manchana yuyaitami japircanguichic. Chai q'uipaca ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

FILIPENSES 1:17

Ashtahuanpish mana alli shungumanta huillaccunaca, paicuna alli cashcata ricuchingapacllami nic tucushpalla huillancuna. Chashna huillashpaca, ñuca carcelpi cacpipish ashtahuan llaquichishun nincunami.

FILIPENSES 1:7

Tucui shunguhuan cancunata c'uyashcamantaca, ñuca cashna yuyanaca allillatacmi. Ñucaca prezu cashpapish, mandaccunapac ñaupapi cashpapish pipish ama yangapi churachunmi: “Quishpirinamanta alli huillaica, chaica chashnatacmari” nishpa huillani. Tucui cancunapish Taita Dios cushcamantami, ñuca shina alli huillaita huillacunguichic.

2 TIMOTEO 4:16

Juezcunapac ñaupapi punta ñuca rimaricucpica, pi ñucamanta mana rimashpami ñucallata tucui shitashpa rircacuna. Paicuna chashna ruhuashcataca Taita Dios ama yuyarishca canman ninimi.

1 PEDRO 3:15

Chaipac randica “Cristoca ñucanchic Mandacmi” nishpa, tucui shunguhuan alli nichic. Cancuna imata japina cashcata shuyacushcamanta maijan tapucpipish, huillangapac allichirishca caichic.