HECHOS 21:30 - Nuevo Testamento en Quichua Cañar 1996

³⁰ Tucui Jerusalenpi causaccunami Diosman mañana huasimanca p'iñarishpa tandanacurcacuna. Chaicunaca Pablota japishpa siricta aisashpami, chai ucumanta llucchishpa pungucunatapish huichcarcacuna.

Dios Rimashcata Quillcashcami

³⁰ Tucui Jerusalenpi causaccunami Diosta mañana huasiman bullashpa yaicurca. Chashnami Pablota japishpa pambata aisashpa, ucumanta llucchishpa pungucunata huichcarca.

HECHOS 21:30 ပူးပေါင်းရင်းမြစ်များ

SAN MATEO 2:3

Chaita uyashpami, mandac Herodesca ima mundota mancharirca. Jerusalenpi causaccunapish, chashnallatacmi mancharircacuna.

SAN MATEO 21:10

Jesús ña Jerusalenman yaicucpica, “¿maijantac caica?” nishpami, tucui chai pueblopi causaccunaca mana amirishpa, caishuc chaishuc tapunacurcacuna.

SAN LUCAS 4:29

Chashna p'iñarishpaca huaica jatarishpami, Jesusta chai pueblomanta llucchishpa, ucu huaicuta shitangapac aparcacuna. Chai puebloca urcu jahuapimi carca.

HECHOS 19:29

Chaimantami tucui chai pueblopi causaccunaca ashtahuan p'iñarishpa caparinacurcacuna. Chashnami Pablohuan puric Macedonia llactamanta Gayotapish, Aristarcotapish huaica japishpa, paicuna tandanacuna jatun ucuman aparcacuna.

HECHOS 26:21

Chashna huillashcallamantami israelcunaca*f** Diosman mañana huasipi japishpa, ñucataca huañuchishun nircacuna.

2 CORINTIOS 11:26

Tauca cutinmi ñucaca ñancunapipish, yacupipish huañuna manchai, shuhuana manchai, ñuca llacta gentecunamantapish, caru llacta gentecunamantapish manchai carcani. Shinallatac pueblocunapipish, shitashca pambacunapipish, mama cuchapipish manchaimi carcani. “Criccunami canchic” nishpa, llullashpa puriccunamantapish manchaimi purircani.