HECHOS 20:34 - Nuevo Testamento en Quichua Cañar 1996

³⁴ Chaipac randica ñucamanpish, ñucahuan puriccunamanpish ima illashcata charingapacca, ñuca maquillahuantac ruhuashpami, imallatapish japic carcani. Chaitaca cancunallatac yachanguichicmi.

Dios Rimashcata Quillcashcami

³⁴ Chaipac randica ñucamanpish, ñucahuan puriccunamanpish ima illashcata charingapacca, ñuca maquihuanmi trabajarcani. Chaitaca cancunallatac yachanguichicmi.

HECHOS 20:34 ပူးပေါင်းရင်းမြစ်များ

HECHOS 18:3

Aquila huarmindicca carpata ruhuaccuna cacpimi, Pablopish chaillatatac ruhuac cashcamanta carpata ruhuashpa paicunahuan cangapac saquirirca.

HECHOS 19:22

Chashna yuyashpami, paita ayudaccunapuramanta Timoteotapish, Erastotapish Macedonia llactaman cacharca. Paica chai Asia llactallapitacmi asha punzhacaman saquirirca.

HECHOS 19:29

Chaimantami tucui chai pueblopi causaccunaca ashtahuan p'iñarishpa caparinacurcacuna. Chashnami Pablohuan puric Macedonia llactamanta Gayotapish, Aristarcotapish huaica japishpa, paicuna tandanacuna jatun ucuman aparcacuna.

HECHOS 20:35

Chashna ruhuashpami: ‘Mana chariccunamanca cunami canchic’ nishpa yachachicurcanilla. ‘Imatapish cucmi, cushcata chasquicta yalli cushicun’ nishpa, Apunchic Jesús nishcatapish yuyaringuichic” nirca.

1 CORINTIOS 4:12

Shinallatac ñucanchic quiquin maquihuan imallata ruhuashpami shaicushcanchic. C'amishpa rimaccunamanca, Taita Dios allicunata cushca cachun ninchicmi. Shuccuna llaquichicpipish, llaquita apanchicllami.

1 TESALONICENSES 2:9

C'uyashca criccuna, ñucanchic micungapacca mana samarishpami, imatapish ruhuarcanchic. Chaitaca yuyaringuichicmi. Quishpirinamanta alli huillaita huillacushpaca, maijan cancunata micunata mañashpa mana llaquichingapacmi, tutapish, punzhapish imallata ruhuarcanchic.

TITO 3:15

Tucui ñucahuan caccunami cantaca “allilla cashca cachun” nishpa cachancuna. Shinallatac ñucanchicta c'uyac caishuc criccunatapish “allilla cashca cachun” nishpa cungui ninimi. Taita Diosca paipac sumaimana c'uyaita tucui cancunaman cushca cachun ninimi.