HECHOS 20:22 - Nuevo Testamento en Quichua Cañar 1996

²² Ñuca shungupi Jerusalenman rina yuyailla cashpami, chai pueblopi ima tucuna cashcatapish mana yachashpa, cunanca ricuni.

Dios Rimashcata Quillcashcami

²² Cunanca Diospac Espíritu yuyaita cucpimi, Jerusalenman ricuni. Chai pueblopi ima tucunataca mana yachanichu.

HECHOS 20:22 ပူးပေါင်းရင်းမြစ်များ

SAN LUCAS 12:50

Bautizaric shina, llaquita apanaracmi cani. Chai pactangacamanca, mai llaquillami cani.

SAN LUCAS 9:51

Jesusca ña jahua pachaman rina punzha chayamucucpimi, mana manchashpa Jerusalén puebloman rina yuyailla carca.

SAN JUAN 13:1

Pascua*f** punzhapac shuc punzha tiyacpiracmi, Jesusca cai pachata saquishpa paipac Taitahuan tandarigrina cashcataca yacharca. Cai pachapica paita c'aticcunataca yallitami Jesusca c'uyarca. Shina cashpami, tucuringacaman ima shina c'uyac cashcataca ricuchisha nirca.

SAN JUAN 18:4

Jesusca ima tucuna cashcata ña yachashpami, llucshishpa tupashpaca: —¿Pitatac mashcacunguichic?— nishpa tapurca.

HECHOS 17:16

Pabloca Atenas pueblopi Silasta, Timoteota shuyacushpaca, achca ruhuashcalla dioscunata chai pueblopi ricushpami, paipac shungupi munai llaquirishpa p'iñarirca.

HECHOS 19:21

Chai q'uipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantaca: “Roma*f** pueblomanpish rinami cani” nicurcami.

HECHOS 20:16

Pentecostés*f** punzhapac ima shinapish Jerusalenpi canata yuyashpami, Pabloca Asia llactapi ama unaiyangapac, Efeso pueblopica mana yaicushpa, barcopi rircalla.

2 CORINTIOS 5:14

Cristo tucuimanta huañushcata yachac chayashcamanta pachami, paipac c'uyaica ñucanchicman yuyaita cun. Cristo huañushcamantami tucui mashna huañushca shina canchic.

SANTIAGO 4:14

Caya punzha cancunapac causai ima tucuna cashcataca, manamari yachanguichicchu. Cancunapac causaica p'uyu ashata ricurishpa, tigrai chingaric shinallami.

2 PEDRO 1:14

Ñucanchic Apunchic Jesucristoca ñuca cai pachata saquishpa, utca huañuna cashcatami yachachirca.