HECHOS 20:17 - Nuevo Testamento en Quichua Cañar 1996

¹⁷ Pabloca Mileto pueblopi cashpami, Efeso pueblopi tandanacushca criccunata pushaccunata c'ayac cacharca.

Dios Rimashcata Quillcashcami

¹⁷ Pabloca Mileto pueblopi cashpami, Efeso pueblo tandanacushca criccunata pushac yuyaccunata cayac cacharca.

HECHOS 20:17 ပူးပေါင်းရင်းမြစ်များ

HECHOS 11:30

Paicuna ña chashna ruhuashpaca, Judea llactapi causac criccunata pushaccunaman cuchunmi, Bernabeman, Sauloman mingashpa cacharcacuna.

HECHOS 14:23

Shinallatac tandanacushca criccunapurapica, maipipish pushac runacunataca acllarcacunami. Chashna acllashpaca, ayunashpa Taita Diosman mañashpami, paicuna crishca Apunchic Jesusman mingarcacuna.

HECHOS 15:23

Chashna acllashpaca, paicuna apachunmi cashna quillcarcacuna: “Jesús acllashca huillaccunapish, criccunata pushaccunapish, ñucanchicca Antioquía pueblopi, Siria llactapi, Cilicia llactapi causac mana Israel criccunatapish ‘allillachu canguichic’ ninchicmi.

HECHOS 15:4

Paicuna Jerusalenman ña chayacpica, Jesús acllashca huillaccunapish, criccunata pushaccunapish, shinallatac tucui criccunapish allimi chasquircacuna. Pablopish, Bernabepish Taita Dios paicunahuan ima shina cashcatami parlarcacuna.

HECHOS 15:6

Chaita uyashpami, Jesús acllashca huillaccunapish, criccunata pushaccunapish chashna nishcataca alli yuyarinacungapac tandanacurcacuna.

HECHOS 16:4

Chashna ruhuachishca q'uipa rishpaca, Jesús acllashca huillaccunapish, criccunata pushaccunapish Jerusalenpi yuyarinacushca imalla ruhuana cashcata cazuchunmi, tucui pueblocunapi huillashpa purircacuna.

HECHOS 18:19

Efeso puebloman chayashpaca, Aquilamanta, Priscilamanta raquirishpami, Pabloca tandanacuna huasiman rishpa, israelcunahuan*f** rimanacurca.

HECHOS 20:15

Mitilene pueblomanta yacuta rishpaca, Quio llacta chimbapurata rishpami, cayandic punzhaca Samos llactaman chayarcanchic. Chaimantaca Trogilio pueblopi samarishpami, cayandicca Mileto puebloman chayarcanchic.

HECHOS 20:28

Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.

1 TIMOTEO 5:17

Tandanacushca criccunata allita pushaccunaca, tucuimanta yallitami japina can. Ashtahuancarin alli huillaita huillashpapish, yachachishpapish puriccunami yallita japina can.

TITO 1:5

Yacu chaupipi tiyac Creta llactapi canta saquishpaca, ñuca nishca shinallatac chai allichina cashcata allichichunpish, tandanacushca criccuna tiyac pueblocunapica criccunata pushacta acllashpa churachunpishmi cantaca saquimurcani.

SANTIAGO 5:14

Maijanpish ungushca cashpaca, Apunchic Jesuspac shutipi aceiteta churashpa Diosman mañachun, tandanacushca criccunata pushaccunata c'ayac cachachun.

1 PEDRO 5:1

Cunanca cancunapuramanta tandanacushca criccunata pushaccunatami cunashpa rimasha nini. Ñucapish paicuna shinallatac pushacmi cani. Shinallatac Cristo ima shina llaquita apashcatapish ricushpa, huillacmi cani. Shuc punzha Cristo sumaimana ricuricpica, ñucapish chaipimi paihuan pacta casha.

2 JUAN 1:1

Ñucaca criccunata pushac cashpami, Dios acllashca tandanacushca criccunamanpish, mashnalla chaipi caccunamanpish tucui ñuca c'uyaihuan caita quillcani. Mana ñucallachu c'uyani, ashtahuanpish tucui mashnalla cashcata nic huillashcata uyashpa criccunapish c'uyancunami.

3 JUAN 1:1

Criccunata pushac ñucami ñuca tucui shunguhuan c'uyashca Gayoman cai quillcata quillcani.