HECHOS 2:5 - Nuevo Testamento en Quichua Cañar 1996

⁵ Chai punzhacunapica tucui llactacunamantami, israelcunaca*f** Jerusalén puebloman shamushpa causacurcacuna. Paicunaca Diosta yuyariccuna cashpami, chaipi carcacuna.

Dios Rimashcata Quillcashcami

⁵ Chai punzhacunapica tucui llactacunamantami, Diosta yuyariccunaca Jerusalén pueblopi causacurca.

HECHOS 2:5 ပူးပေါင်းရင်းမြစ်များ

SAN MATEO 24:14

Taita Dios mandacucmanta alli huillaitaca tucui gentecuna yachachunmi, tucui llactacunapi huillashca canga. Chai q'uipami cai pachaca tucuringa.

SAN LUCAS 17:24

Ashtahuanpish Runa Tucungapac shamushca ñuca cutimuna punzhapica, relampa jaguin nishpa tucuita achicyachic shinami, ñuca shamucucta maimantapish ricungacuna.

SAN LUCAS 2:25

Chai punzhacunallapitacmi, Simeón runaca Jerusalenpi causacurca. Paica Diosta manchac, paita cazuc cashpami, israelcunata*f** Taita Dios quishpichingapac shamucta shuyacurca. Simeonca Diospac Espirituhuanmi carca.

SAN LUCAS 24:18

chai ishcaimanta Cleofas runaca: —Jerusalén pueblopi cai punzhacuna ima tucushcataca, tucuimi yachancuna. ¿Canca chaipi cashca jahuachu mana yachangui?— nirca.

SAN JUAN 12:20

Chai Jerusalén fiestapi Diosta alli ningapac shamuccunapurapica, maijan griego*f** gentecunapish chaipimi carca.

HECHOS 10:2

Chai runaca paipac tucui familiandicmi Diosta manchac, yuyaric, mañarac carca. Shinallatac israelcunapurapi*f** huacchacunaman cullquita cucmi carca.

HECHOS 10:7

Ña chai ángel ricpi, Cornelioca ishcai servic runacunata, shinallatac soldadocunamantaca paitapish, Diostapish alli cazuc shuc soldadotami c'ayarca.

HECHOS 13:50

Ashtahuanpish: “Chai runacunata c'atishpa cachashunchic” nishpami, israelcunaca gentecunapac alli nishca, Diosta yuyaric huarmicunatapish, shinallatac chai pueblota mandaccunatapish cunarcacuna. Chaimantaca Pablotapish, Bernabetapish llaquichishpami, chai llactamantaca llucchishpa cacharcacuna.

HECHOS 2:1

Pentecostés*f** punzha chayamucpica, Jesusta criccunaca tucuillami shuc shinalla tandanacushca carcacuna.

HECHOS 22:12

Chai pueblopica, Moisés mandashcacunata alli cazuc, tucui chaipi causac israelcunapacpish*f** alli nishca Ananías runami causacushca carca.

HECHOS 8:2

Dios yuyailla causac runacunami munai huacashpa, Estebantaca enterrarcacuna.

HECHOS 8:27

Chashna nicpi, Felipe jatarishpaca rircallami. Chashna ricushpami, Etiopía llactamanta eunuco*f** runahuan tuparca. Paica Etiopía llactata jatun mandac Candace huarmipac tucui imalla charishcacunata ricucmi carca. Paica Jerusalenpi Taita Diosta alli nishpami, ña paipac llactaman cuticurca.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyacunamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.