HECHOS 2:24 - Nuevo Testamento en Quichua Cañar 1996

²⁴ Chashna cancuna Jesusta huañuchicpipish, Taita Diosca llaquiman apac huañuimantaca cacharichishpami causachirca. Shina ruhuacpimi, huañuipish Jesustaca mana ati pudirca.

Dios Rimashcata Quillcashcami

²⁴ Chashna huañuchicpipish, Diosca llaquiman apac huañuimantaca cacharichishpami causachirca. Huañuica Jesustaca mana charicui pudircachu.

HECHOS 2:24 ပူးပေါင်းရင်းမြစ်များ

SAN MATEO 27:63

Chaiman chayashpaca: —Jatun mandaclla. Cai llullac runa causacushpaca: ‘Quimsa punzhapica causarishallami’ nishcatami yuyarinchic.

SAN JUAN 10:18

Ñucataca pi mana huañuchingachu, ashtahuanpish ñucallatac huañusha nicpimi, ñucataca huañuchingacuna. Ñucaca huañunatapish, causarinatapish pudinimi. Chashna ruhuachunmi, ñuca Taitaca mandarca— nirca.

SAN JUAN 10:35

Dios quillcachishcataca mana chashnachu ninataca mana pudinchicchu. Chaitaca yachanguichicmi. Taita Diosca pai rimashcata uyaccunataca ‘cancunami dioscuna canguichic’ nircami.

SAN JUAN 12:39

Isaiasllatacmi, paicuna imamanta mana crina cashcatapish huillarca. Taita Dios Isaiasman huillachishpaca:

SAN JUAN 20:9

Shina cacpipish, paicunaca Dios quillcachishcapi: “Paica causaringatacmi” nishpa huillashcataca manarac entendircacunachu.

HECHOS 1:16

“Caipi tandanacushca tucui criccuna. Jesusta Judas japichina cashcataca, ñaupamanmi Diospac Espíritu yuyaita cushpa, Davidman quillcachishca. Chaica pactanami carca.

HECHOS 13:30

Paicuna chashna ruhuacpipish, Taita Diosca huañushcacunapuramantami causachirca.

HECHOS 13:37

Ashtahuanpish Taita Dios causachishca Jesuspac cuerpoca, manatac cutin huañushpa ismurcachu.

HECHOS 17:31

Taita Diosca pai acllashca punzhapimi, tucui cai pachapi causaccunataca imalla ruhuashca shinallatac taripanga. Chaita ruhuachunca, pai acllashca runatami cachanga. Chashna taripanata gentecuna yachachunmi, paitaca huañushcacunapuramanta causachirca” nirca.

HECHOS 2:32

Taita Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

HECHOS 3:15

Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic.

HECHOS 3:26

Taita Dios paipac Churita causachishpaca, cancunaman allicunata cuchunmi, cancunapacmanca punta cacharca. Cancuna millai causaita saquishpa alli causachunmi, paitaca chashna cacharca” nirca.

HECHOS 4:10

Cancunapish, tucui israelcunapish alli yachachunca, cashnami nini: Nazaret pueblomanta Jesucristotaca, cancunami chacatashpa huañuchircanguichic. Cancuna huañuchicpipish, Taita Diosmi paitaca huañushcacunapuramanta causachirca. Chai Jesusllatac alliyachicpimi, cai runaca cancunapac ñaupapi alli tucushca shayacun.

HECHOS 5:30

Cancunami Jesustaca chacatashpa huañuchircanguichic. Shina huañuchicpipish, ñucanchic ñaupa taitacunapac Mandac Diosmi paitaca causachirca.

ROMANOS 10:9

Taita Dioshuan alli tucungapacca, tucui shunguhuanmi crina can. Shinallatac quishpiringapacca, quiquin shimihuanmi Jesusta crishcata huillana can. Chaimanta: “Jesusca ñucata Mandacmi” nishpa cambac shimihuan huillashpa, shinallatac huañushcacunapuramanta Taita Dios Jesusta causachishcata tucui shunguhuan crishpaca, quishpiringuimi.

ROMANOS 14:9

Shina cachunmi Apunchic Jesusca huañushcacunapacpish, causaccunapacpish Mandac cangapac huañushpa causarirca.

ROMANOS 4:24

ashtahuanpish ñucanchicmantapish ninmi. Ñucanchic Apunchic Jesusta huañushcacunapuramanta causachic Taita Diosta crishcamantami, paihuan alli tucuchun ñucanchictapish chasquin.

ROMANOS 6:4

Taita Dios ima shinami paipac sumaimana imatapish ruhuaclla cashcahuan Cristota huañushcacunapuramanta causachirca, chai shinallatac ñucanchicpish mushuc causaita causangapac bautizarishpaca, Cristo huañushca shina huañungapac, shinallatac pai enterrarishca shina enterraringapac bautizarircanchic.

ROMANOS 8:11

Jesusta causachic Diospac Espiritullatac cancunapi causacucpica, Diosllatacmi cancunapac huañunalla cuerpotaca cancunapi causac paipac Espiritumanta causachinga.

ROMANOS 8:34

¿Pitac juchanchishpa llaquiman cachangayari? Jesucristomi ña huañurca. Paillatacmi huañushcacunapuramanta causarishpa, Taita Diospac alli maquiman rishpa ñucanchicmanta mañacun.

1 CORINTIOS 15:12

Huañushcacunapuramanta Cristo causarishcata ñucanchic huillacushca jahua, ¿ima shinatac cancunapuramanta maijancunaca “huañushcacunaca mana causaringachu” ninguichicyari?

1 CORINTIOS 15:15

“Taita Diosmi Cristota causachirca” nishpa huillacucpipish, Cristo mana causarishca cacpica, Taita Diosmanta llullashpa huillaccunami canchicman. Huañushcacuna mana causarina cacpica, Cristopish mana causarinmanchu carca.

1 CORINTIOS 15:20

Ashtahuanpish Cristotaca Taita Diosca huañushcacunapuramanta causachircatacmi. Paimi cric huañushcacuna causarina cashcata ricuchishpa, punta causaricca can.

1 CORINTIOS 15:4

Dios quillcachishcapi nishca shinami, enterrashca cashpapish, quimsa punzhapica causarirca.

1 CORINTIOS 6:14

Shina cashcamanta ima shinami Taita Dios Apunchic Jesusta causachirca, chashnallatacmi ñucanchictapish pai imatapish ruhuaclla cashcahuanca causachinga.

2 CORINTIOS 4:14

Apunchic Jesusta huañushcacunapuramanta causachic Diosllatacmi, ñucanchictapish Jesusta shinallatac causachinga. Shinallatac cancunahuan pactami paipac ñaupamanca ñucanchictaca pushanga. Chaitaca yachanchicmi.

GÁLATAS 1:1

Ñucaca mana gentecunalla acllashcapac huillachun cachashcachu cani, ashtahuanpish Taita Diospish, shinallatac pai causachishca Jesucristopish huillachun cachashca Pablomi cani.

EFESIOS 1:20

Cristota causachishpa, jahua pachapi paipac alli maquiman tiyachishpa ricuchirca.

COLOSENSES 2:12

Cancuna ña bautizarishca cashcamantaca, Apunchic Jesucristohuan enterrashca shinami canguichic. Shinallatac Cristota causachic imatapish ruhuaclla Taita Diosta crishcamantaca, huañushcacunapuramanta Cristohuan pacta causachishca shinapishmi canguichic.

1 TESALONICENSES 1:10

Shinallatac huañushcacunapuramanta Taita Dios causachishca, paipac Churi Jesucristo jahua pachamanta cutin shamunata shuyacushcatapish parlancunami. Taita Dios p'iñarishpa, shamuc punzhapi llaquichinamanta quishpichicca Jesucristomi.

HEBREOS 13:20

Ñucanchic Apunchic Jesustaca, sumac causaita cuc Taita Diosmi huañushcacuna puramanta causachirca. Taita Dioshuan huiñaipac ari ninacushcata pactachic yahuarta jichashcamantami, paica ovejacunapac michic shina ñucanchic Jatun Michic can.

HEBREOS 2:14

Ima shinami shuc taita mamapac huahuacunaca shuc aichalla, shuc yahuarlla shina can, chai shinallatacmi Jesuspish ñucanchic shina aichayuc, yahuaryuc carca. Shina cashpami huañuiman apac diablotaca pai huañushpa chingachirca.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

APOCALIPSIS 1:18

Ñucaca huañushpapish causacunimi. Cunanca huiñaipacmi causacuni. Ñucami huañuipacpish, ucu pachapacpish llavecunata charicuni.