HECHOS 2:21 - Nuevo Testamento en Quichua Cañar 1996

²¹ Chaipica tucui ñucaman mañaccunami quishpiringa’ ninmi.

Dios Rimashcata Quillcashcami

²¹ Chaipica tucui ñuca shutipi mañaccunaca quishpiringami” ninmi.

HECHOS 2:21 ပူးပေါင်းရင်းမြစ်များ

SAN MATEO 28:19

Chaimanta tucui cai pachapi causaccunapacman rishpa, ñuca yachacuccuna tucuchun yachachigrichic. Paicunataca Taita Diospac, paipac Churipac, Diospac Espiritupac shutipi bautizanguichic.

HECHOS 2:20

Ñuca acllashca sumac jatun punzha manarac chayamucpimi, intica amsayanga, quillapish yahuar shina puca tucunga.

HECHOS 22:16

Cunanca ama imata ashtahuan shuyashpa, jatarishpa bautizari. Cambac juchacunamanta Taita Dios chuyayachichunca, Apunchic Jesusman mañai’ nirca.

HECHOS 9:11

Shina nicpi, Apunchic Jesusca paitaca: —Jatari. Derecha shuti ñanman ri. Judaspac huasipi yaicushpa, Tarso pueblomanta Saulo runata tapui. Paica chai huasipimi Taita Diosman mañashpa shuyacun.

HECHOS 9:15

Chashna nicpipish, cutinmi Apunchic Jesusca: —Rilla. Ñami paitaca acllarcani. Paimi mana israelcunamanpish,*f** jatun mandaccunamanpish, israelcunamanpish*f** ñucamanta huillanga.

1 CORINTIOS 1:2

Corinto pueblopi Diospaclla cac tandanacushca criccunamanmi, cai quillcataca quillcanchic. Cancunaca Jesucristohuan shuc shinalla tucushcamanta Diospaclla tucushpa, maipipish Apunchic Jesucristoman tucui mañaccunahuan pacta, pai Diospaclla cachun acllashpa c'ayashcacunami canguichic. Apunchic Jesucristoca tucui paicunapacpish, ñucanchicpacpish Mandacmi.

HEBREOS 4:16

Chaimanta c'uyac Dios ñucanchicta llaquichun, shinallatac ima llaquihuan cacpipish paipac jatun c'uyaimanta ayudachun, paipacman tucui shunguhuan cuchuyashpa mañashunchic.