HECHOS 2:2 - Nuevo Testamento en Quichua Cañar 1996

² Paicuna chashna tiyacucpimi, cungailla huaira shina huaj nishpa jahua pachamanta shamushpa, paicuna tiyacuc huasipi jundarca.

Dios Rimashcata Quillcashcami

² Chashna tiyacucpimi, jahua pachamanta cungailla huaira huaj nic shina shamushpa, paicuna tiyacuc huasipi jundarca.

HECHOS 2:2 ပူးပေါင်းရင်းမြစ်များ

SAN LUCAS 2:13

Chashna huillacucllapitacmi, ñapish jahua pacha achca angelcuna chai huillacuc angelhuan tucushpaca, Taita Diosta alli nishpaca:

SAN JUAN 3:8

Huairaca maimanta cashpapish p'ucunllami. Shina p'ucucpi uyashpapish, maimanta shamuctapish, maiman rictapish mana yachanguichu. Shinallatacmi Diospac Espiritumanta huachariccunaca— nirca.

HECHOS 2:3

Chaimantaca nina japirishpa c'allu p'itiric shinami, tucui criccunapac jahuapi asha asha tiyarirca.

HECHOS 2:6

Chai huaira munai huaj nicucta uyashpami, tucui chaicunaca tandanacumurcacuna. Chai shamuccunaca paicunapac quiquin rimaicunapi rimacucta uyashpami, munai mancharircacuna.

HECHOS 4:31

Chashna mañashca q'uipaca, paicuna tandanacushca tiyacuc huasica chucchurcami. Diospac Espíritu tucui chaipi caccunapac shungupi junda cacpimi, paicunaca mana manchashpa, Diosmanta huillarcacuna.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.