HECHOS 2:12 - Nuevo Testamento en Quichua Cañar 1996

¹² Chashna tucui mashna munai mancharishpaca: —¿Ima nishpatac cashnaca tucushca canga?— nishpami tapunacurcacuna.

Dios Rimashcata Quillcashcami

¹² Chashnami tucui mashna mancharishpaca: —¿Imatatac nisha nin?— nishpa tapunacurca.

HECHOS 2:12 ပူးပေါင်းရင်းမြစ်များ

SAN MATEO 7:28

Jesús chashna yachachicpimi, tucui uyaccunaca mancharishpa mana amirircacuna.

MARCOS 6:20

Juantaca cashcata ruhuac, Diospaclla causactami Herodesca yacharca. Chaimantami paita manchashpa, mana imata ruhuachishpa alli charirca. Imata ruhuanata yuyacushpapish, Juan huillacpica, cushilla uyacllami carca.

SAN LUCAS 15:26

Chaita uyashpaca, paipac taitapac serviccunamanta shucta c'ayashpami: ‘¿Imatatac ruhuacuncuna?’ nishpa tapurca.

SAN LUCAS 18:36

Chai runaca achca gentecuna pasacucta uyashpami: “¿Imatac tucunguichicyari?” nishpa tapurca.

HECHOS 10:17

Chaita Pedro ricushpaca: “¿Imatashi cai ricushcaca nisha nin?” nishpa yuyacucpica, Cornelio cachashca runacunaca tapushpa, tapushpa Simonpac huasiman cungailla chayarcacunallami.

HECHOS 17:20

Pipish mana yachashca yachanatami yachachicushcangui. Chaitaca yachanatami munanchic— nircacuna.

HECHOS 2:11

Shinallatac Creta llactamanta, Arabia llactamantami caipi canchic. Taita Dios cai tucui allicunata ruhuashcataca, tucui shamuccunami ñucanchic quiquin rimaipi uyacunchic— ninacurcacuna.

HECHOS 2:7

Chashna mancharishpaca, caishuc chaishucmi: —Riquichic. Cai rimacuccunaca, tucuimi Galilea llactallamanta cancuna.