HECHOS 2:11 - Nuevo Testamento en Quichua Cañar 1996

¹¹ Shinallatac Creta llactamanta, Arabia llactamantami caipi canchic. Taita Dios cai tucui allicunata ruhuashcataca, tucui shamuccunami ñucanchic quiquin rimaipi uyacunchic— ninacurcacuna.

Dios Rimashcata Quillcashcami

¹¹ Shinallatac Creta llactamanta, Arabia llactamantami caipi canchic. Dios mancharinata ruhuashcataca, tucui shamuccunami quiquin rimaipi uyacunchic— ninacurca.

HECHOS 2:11 ပူးပေါင်းရင်းမြစ်များ

HECHOS 2:10

Frigia llactamanta, Panfilia llactamanta, Egipto llactamanta, Africapi cac Cirene pueblo cuchulla llactacunamantami caipica canchic. Shinallatac Roma*f** llactamanta shamushpami, caipi causacunchic. Maijancunaca Israel*f** aillupuratacmi canchic. Maijancunaca shamushpa, israelcuna yachachishcata c'aticcunallami canchic.

HECHOS 2:12

Chashna tucui mashna munai mancharishpaca: —¿Ima nishpatac cashnaca tucushca canga?— nishpami tapunacurcacuna.

HECHOS 27:12

Tamia quillacunata mana chaipi caipac cashcamantami: “Creta llactapi cac Fenice puebloman chayashunpishchari” yuyashpa, llucshinata yuyarircacuna. Chai pueblopica janamanta, uramanta huaira shamushpapish, mana imata ruhuacchu carca. Chaimantami tamia quillacunataca chaipi cashun nircacuna.

HECHOS 27:13

Chaimanta ashalla huichai huaira tiyacpica: “Ña cunancarin rinallami canchic” nishpami, barcota yacupi huatashpa charic anclacunata tandashpa, ri callarircanchic. Chashna rishpaca, Creta llacta cuchu cuchullatami rircanchic.

HECHOS 27:7

Munai huaira huactacucpimi, mana utca ri pudishpa allimanta rircanchic. Chashna rishpaca, mai llaquita apashpami, tauca punzhacunapi Gnido pueblo chimbapuraman chayarcanchic. Huaira ashtahuan alsarishpa mana ricta ruhuacpimi, Salmón shuti allpa ladota rishpa, yacu chaupipi cac Creta llactata muyugrircanchic.

1 CORINTIOS 12:10

Cutin maijancunaca pi mana ruhuaipacta ruhuaccunami tucuncuna. Cutin maijancunaca Dios ima nishcata huillaccuna tucuncuna. Cutin maijancunaca alli Espirituyuc cashcata, mana alli espirituyuc cashcata yachaccunami tucuncuna. Cutin maijancunaca jaicapi mana uyashca rimaicunata rimaccunami tucuncuna. Cutin maijancunaca chai rimai imata nisha nicushcata entendichiccunami tucuncuna.

1 CORINTIOS 12:28

Taita Diosca tandanacushca criccunapurapica, puntaca Jesús acllashca huillaccuna tiyachun, q'uipaca Dios ima nishcata huillaccuna tiyachun, chaipac q'uipaca yachachiccuna tiyachunmi munan. Shinallatac pi mana ruhuaipacta ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

GÁLATAS 1:17

Shinallatac Jesús acllashca punta huillaccunata Jerusalén pueblopi ricungapacllapish mana rircanichu, ashtahuanpish utcashpami Arabia llactaman rircani. Chaimantaca Damasco pueblomanmi cutimurcani.

GÁLATAS 4:25

Chai Agar huarmica Arabia llactapi tiyac Sinaí urcutami nisha nin. Shinallatac Agar huarmica Jerusalenpi causaccunapish, tucui israelcunapish*f** cunan punzha ima shina servishpa causacushcatapish ricuchinmi.

TITO 1:12

Creta llactapi causaccunapuramanta shuc yachachicca: “Cretapi causaccunaca llullaccunallami. Sachapi causac animalcuna shinami. Imata mana ruhuasha nishpa, micunallata munancuna” nirca.

TITO 1:5

Yacu chaupipi tiyac Creta llactapi canta saquishpaca, ñuca nishca shinallatac chai allichina cashcata allichichunpish, tandanacushca criccuna tiyac pueblocunapica criccunata pushacta acllashpa churachunpishmi cantaca saquimurcani.

HEBREOS 2:4

Taita Diospish pi mana ruhuaipaccunata, pi mana ricushcacunata ruhuashpa, shinallatac pai munashca shina imatapish ruhuachun paipac Espiritutaca cushpami, chashnatac cashcata ricuchirca.