HECHOS 19:9 - Nuevo Testamento en Quichua Cañar 1996

⁹ “Jesusta crishpa, alli causaichic” nishpa huillacucpipish, maijan rumi shungu gentecunaca chai huillashcata mana cazushpami, tucuipac ñaupapi millaita rimarcacuna. Chaimantami Pabloca tucui criccunandic Tirano runa yachachina huasiman rishpa, punzhanta huillashpa yachachirca.

Dios Rimashcata Quillcashcami

⁹ Maijancunaca rumi shungu tucushpa, crinata mana munashpami tucuipac ñaupapi “Jesusta crinaca mana allichu” nishpa rimarcacuna. Chaimantami Pabloca tucui criccunata Tirano runa yachachina huasiman pushashpa, punzhanta yachachirca.

HECHOS 19:9 ပူးပေါင်းရင်းမြစ်များ

SAN MATEO 15:14

Ñahui mana ricuc shina pushac fariseocunataca saquichiclla. Paicunaca chashna pushaccuna cashcamantami, caishuc ñahui mana ricuccunata pushashpaca, ishcaitac jutcupi urmangacuna— nirca.

SAN MATEO 16:4

Cunan punzhapi causac mana cric millai gentecunaca: ‘Pi mana ruhuaipacta ruhuashpa ricuchi’ nishpami mañancuna. Chashna cashpapish imata mana ricungacunachu, ashtahuanpish Diosmanta ñaupa huillac Jonás ima shina tucushcallatami ricungacuna— nirca. Chashna nishpaca, paicunapacmanta rircallami.

SAN MATEO 26:55

Shinallatac Jesusca paita japiccunataca: —¿Ñucataca shuhuata shinachu japingapac, cancunaca espadacunahuan, caspicunahuan shamunguichic? Punzhantami Diosman mañana huasipica yachachicurcani. Chashna yachachicucpipish, mana japircanguichicchu.

SAN JUAN 12:40

“Paicunapac ñahuitaca ama ricuchun nishpami huichcashca shinata ruhuashca. Paicunapac shungutapish sinchiyachishcami. Ñahuicunatapish ama ricuchun nishpami, chashnaca ruhuashca. Chashna ruhuashpaca paicunapac shungupish sinchiyashpa, ama yuyaita japishpa ñucapacman ama cutirichun, shinallatac ñuca ama paicunata alliyachichunmi, chashnaca ruhuashca” nishcami.

HECHOS 11:26

Chaipica huata jundatami achcacunaman yachachishpa, criccunahuan tandanacushpa causarcacuna. Chai pueblopimi criccunataca: “Cristota c'aticcunami” nishpa, punta c'ayai callarircacuna.

HECHOS 14:4

Chashna cacpimi, chai pueblopi causaccunaca maijancunaca israelcunapura, maijancunaca Jesús acllashca huillaccunapura tucushpa chaupirircacuna.

HECHOS 17:4

Chashna yachachicpimi, tauca israelcuna crishpa Pablohuan, Silashuan puri callarircacuna. Chashnallatac Diosta yuyaric mana Israel*f** c'aricunapish, alli nishca huarmicunapish achcacunami crircacuna.

HECHOS 19:23

Chai punzhacunallatacmi Efeso pueblopi Jesusta c'atinamanta huillacpi, mana uyashun nishpa p'iña jatarircacuna.

HECHOS 19:30

Chai ucupi caccunaman huillangapac Pablo yaicusha nicpipish, criccunaca mana yaicuchun saquircacunachu.

HECHOS 20:31

Chaimanta cancunaca alli yuyaihuan cana canguichic. Ñucaca quimsa huatacaman tutapish, punzhapish mana samashpami, tucui cancunataca shucllancaman huacashpa cunacurcanilla.

HECHOS 22:4

Ñucapish ñaupaca Jesusta c'aticcunata huañuchisha nishpami, huarmicunatapish, c'aricunatapish japishpa, carcelman apachic carcani.

HECHOS 24:21

Paicunapac ñaupapi: ‘Huañushcacuna causarinata crishcallamantami, cunan cancunaca tapucunguichic’ nishpami, sinchihuan nircani. Chashna nishcallamantami, cunan paicunaca juchanchicuncuna— nirca.

HECHOS 28:22

Ñucanchicca shuc mushuc yachanata uyashpa c'aticcunata maipipish p'iñashpa rimacllatami uyanchic. Chaimantami canpish chai mushuc yachanata yachachic cashcamanta, ima shina cashcata tapushun ninchic— nircacuna.

HECHOS 7:51

Ashtahuanpish cancunaca upa shina cashpami, Taita Dios ima nishcata mana uyashpa, shungucaman sinchiyashca canguichic. Cancunapac ñaupa taitacuna shinami, Diospac Espiritutapish mana cazuccuna canguichic.

HECHOS 9:2

Chaiman rishpaca: “Damasco pueblopi tandanacuna huasicunapi yaicushpa, Jesusta c'aticcunata c'aricuna cachun, huarmicuna cachun, cai Jerusalenman prezu apamungapac quillcata cui” nirca.

ROMANOS 11:7

Shinashpaca, ¿imatatac nishun? Israelcunaca paicuna japingapac munacushcataca mana japircacunachu. Shina cacpipish, Dios acllashcacunallami japircacuna. Shuccunaca rumi shungumi tucurcacuna.

ROMANOS 9:18

Shina cashcamantami Taita Diosca maijantami pai llaquisha nishpaca llaquinlla, shinallatac shunguta sinchiyachisha nishpaca sinchiyachinlla.

1 CORINTIOS 16:9

Taucacuna ñucata p'iñacucpipish, Jesucristomanta ñuca huillanaca maipipish pungu pascashca shinami can.

1 TIMOTEO 6:5

Chaimantami paicunaca imami alli cashcata mana yachashpa, yuyai illac shina tucushpa p'iñanacuncunalla. Paicunaca chayucyana yuyaillahuanmi Diosta cric tucuncuna.

2 TIMOTEO 1:15

Asia llactamanta caccunaca tucui mashna ñucataca shitashpa rishcataca, canllatac yachanguimi. Paicunapurapica Figelo runapish, Hermógenes runapish carcami.

2 TIMOTEO 3:5

“Taita Diosman mañaccunami canchic” nishpapish, paicuna ruhuashcacunahuanca Taita Diosmantatac yachachishcataca yangatami ruhuangacuna. Chashna gentecunahuanca ama tandaringuichu.

2 TIMOTEO 4:2

Alli huillaitaca uyasha nicpi, mana uyasha nicpipish huillacunguilla. Mana p'iñarishpa alli yachachishpa rimacuilla, cunacuilla nishpami mingani.

HEBREOS 3:13

Chaipac randica Dios quillcachishcapi nishca shina, cunan causacushparac punzhanta caishuc chaishuc yuyachinacushpa, cancunapac shungu rumiyashca shina tucuchunpish, juchapi pandarichunpish ama saquinguichicchu.

2 PEDRO 2:12

Chai pandata yachachiccunaca animalcuna shinami. Chashna cashpami, imatapish mana entendishpa, ima shinapish causashpa, japishpa huañuchina animalcuna shina causancuna. Paicunaca manapish entendishpami, mana allichu nishpa rimancuna. Chashna mana allita ruhuashcamantami, animalcuna shina huañungacuna.

2 PEDRO 2:2

Taucacunami paicuna mana alli causacuc shinallatac causangacuna. Chaimantami cashcata nic huillashcata c'atinatapish mana allichu nishpa c'amingacuna.

SAN JUDAS 1:10

Shina cacpipish chai llullashpa yachachiccunaca manapish chashna cacta yachashpa, mana allita rimancunallami. Imata yachashpapish, animalcuna shina yuyai illac cashcamantami, paicunallatac llaqui tucungapac millaita ruhuancuna.