HECHOS 19:34 - Nuevo Testamento en Quichua Cañar 1996

³⁴ Ashtahuanpish Alejandrotaca israelcunapura cashcata ricsishpacarin, ashtahuanmi: “¡Efeso pueblopi causaccunapac Dianaca allimari!” nishpa, tucui chaipi caccunaca ishcai hora shinata huaicashpa caparircacuna.

Dios Rimashcata Quillcashcami

³⁴ Ashtahuanpish Alejandrotaca israelcunapura cashcata ricsishpami, tucui chaipi cac gentecunaca: «¡Efeso pueblopac Diana diosca jatunmi!» nishpa, ishcai hora shinata caparirca.

HECHOS 19:34 ပူးပေါင်းရင်းမြစ်များ

SAN MATEO 6:7

Shinallatac Taita Diosman mañashpaca, ama chai Diosta mana ricsiccuna shina imatapish cutin cutin chaillatatac nishpa mañaichicchu. Paicuna ashtahuan rimarishpa mañacpica, Taita Diosca ashtahuanmi uyanga yuyashpami, chashnaca mañancuna.

HECHOS 16:20

Chai mandaccunapacman apashpaca: —Cai Israel*f** runacunami ñucanchic pueblopi p'iñanacuipi churashpa purincuna.

HECHOS 19:24

Chashna p'iñarinataca cullquimanta imatapish ruhuac Demetrio runami callarichirca. Chai runaca Diana diosta adorana huasiman ricchatami, cullquimanta uchilla huasicunata ruhuac carca. Chashna ruhuashpaca paipish, shinallatac paipacta ruhuaccunapish achca cullquitami japic carcacuna.

HECHOS 19:26

Shinallatac chai Pablo ima shina nishpa puricuctaca cancunallatac ricunguichicmi, uyanguichicmi. Paica ruhuashcalla dioscunataca ‘mana dioscuna’ ninmi. Chashna nishpaca, mana cai Efeso pueblollapichu, ashtahuanpish tucui Asia llactapimari achcacunata crichishca.

HECHOS 19:28

Chashna nicta uyashpaca, munai p'iñarishpami: —¡Ñucanchic cai Efeso pueblopi causaccunapac Dianaca allimari!— nishpa caparircacuna.

HECHOS 19:33

Chai tandanacushcacunapac chaupimantami, israelcunaca*f** Alejandro runataca imallatapish nichun t'angashpa cacharcacuna. Chashna cachacpi, Alejandroca tucui chaipi caccunapac ñaupapi shayarishpa, maquihuan upallachishpami: “Ñucanchic israelcunaca mana jatarichishcanchicchu” ninata munarca.

HECHOS 19:35

Shina caparinacucpi, chai pueblota mandacpac quillcacca tucui chaipi caccunata upallachishpami: —Cai Efeso pueblopi causaccunami, tucuipac alli nishca Dianata adorana huasitaca ricuna canchic. Chaitaca tucuimi yachancuna. Chai Dianaca Júpiter nishca luceromanta shamushca diosmi.

ROMANOS 2:22

“Mana huacllirinachu” nishpa yachachishpapish, ¿ima nishpatac huaclliringuiyari? “Ruhuashcalla dioscunata p'iñanimi” nishpaca, ¿ima nishpatac paicunata adorana huasimantaca imapish allicunata shuhuanguiyari?

APOCALIPSIS 13:4

Chai animalman imatapish ruhuaclla canata cushcamantami, dragontaca “allimari cangui” nircacuna. Chai manchana animaltapish alli nishpaca: —Cai animal shinaca pipish mana tiyanchu. ¿Paihuanca pitac macanacungayari?— nircacuna.