HECHOS 19:33 - Nuevo Testamento en Quichua Cañar 1996

³³ Chai tandanacushcacunapac chaupimantami, israelcunaca*f** Alejandro runataca imallatapish nichun t'angashpa cacharcacuna. Chashna cachacpi, Alejandroca tucui chaipi caccunapac ñaupapi shayarishpa, maquihuan upallachishpami: “Ñucanchic israelcunaca mana jatarichishcanchicchu” ninata munarca.

Dios Rimashcata Quillcashcami

³³ Chai tandanacushcacunapac chaupimantami, israelcunaca imallatapish nichun, Alejandrota tangashpa cacharcacuna. Chashna cachacpi, Alejandro tucui chaipi caccunapac ñaupapi shayarishpa, upallachun maquihuan señata ruhuashpa, rimanata munarca.

HECHOS 19:33 ပူးပေါင်းရင်းမြစ်များ

SAN LUCAS 1:22

Zacarías ña canzhaman llucshishpaca, imata mana rimai pudishpami, ima tucushcataca maquihuan seña ruhuashpalla huillarca. Chashna mana rimai pudishpa, upa saquiricpimi: —Diospaclla cac ucupimi, ¿imatachari ricushca yuyachin?— nircacuna.

HECHOS 12:17

Paica maquillahuan “upalla caichic” nishpami, Mandac Dios ima shina paita carcelmanta llucchishpa cachashcata paicunaman parlarca. Chashna parlashpaca: —Caitaca Jacobomanpish, caishuc criccunamanpish parlanguichic— nishpaca, chaimanta llucshishpa, shuc llactaman rircallami.

HECHOS 13:16

Shina nicpi Pabloca jatarishpa, maquihuan “upalla caichic” nishpami, paicunataca: —Tucui caipi cac Israel huauquicunalla, Taita Diosta manchac caishuccunapish, ñuca ima nishcata uyaichic.

HECHOS 19:34

Ashtahuanpish Alejandrotaca israelcunapura cashcata ricsishpacarin, ashtahuanmi: “¡Efeso pueblopi causaccunapac Dianaca allimari!” nishpa, tucui chaipi caccunaca ishcai hora shinata huaicashpa caparircacuna.

HECHOS 21:40

Shina nicpi pai huillachun saquicpica, chai gradapi Pablo shayarishpami, maquihuan gentecunata upallachirca. Paicuna ña upallacpica, hebreo*f** rimaipimi cashna nishpa huillarca:

HECHOS 24:10

Shina nicpi, chai mandacca Pablota maquihuan seña ruhuashpa ricuchicpica, Pabloca: —Canca tauca huatacunata cai llactata alli mandac cashcata yachanimi. Chaimantami ñuca ima shina cashcataca cushicushpa huillasha nini.

FILIPENSES 1:7

Tucui shunguhuan cancunata c'uyashcamantaca, ñuca cashna yuyanaca allillatacmi. Ñucaca prezu cashpapish, mandaccunapac ñaupapi cashpapish pipish ama yangapi churachunmi: “Quishpirinamanta alli huillaica, chaica chashnatacmari” nishpa huillani. Tucui cancunapish Taita Dios cushcamantami, ñuca shina alli huillaita huillacunguichic.

1 TIMOTEO 1:20

Chashnami Himeneopish, Alejandropish tucushca. Paicuna Taita Diosta ama c'amishpa c'atichun nishpami, Satanasman*f** llaquichichun curcani.

2 TIMOTEO 4:14

Fierrocunata allichishpa causac Alejandro runaca ñucata mana allita ruhuashpami llaquichirca. Pai chashna ruhuashcamantaca, Taita Diosmi paitapish llaquichinga.