HECHOS 19:25 - Nuevo Testamento en Quichua Cañar 1996

²⁵ Chaimantami paipacta ruhuaccunatapish, pai shina ruhuac shuccunatapish tandachishpaca: —Caipi cac ñuca shina ruhuaccuna. Cai ñucanchic yachashcata ruhuashpallami charicyanchic. Chaitaca cancunallatac yachanguichicmi.

Dios Rimashcata Quillcashcami

²⁵ Chaimantami paita ayudaccunatapish, shuctac runacunatapish tandachishpaca: —Huauquicuna, cai ñucanchic yachashcata ruhuashpallami charicyanchic. Chaitaca cancunallatac yachanguichicmi.

HECHOS 19:25 ပူးပေါင်းရင်းမြစ်များ

HECHOS 16:19

Chai huambramanta cullquita japina tucuricpimi, Pablota chai amocunaca Silasndic japishpa, jatun plazapi cac mandaccunapacman aparcacuna.

HECHOS 19:24

Chashna p'iñarinataca cullquimanta imatapish ruhuac Demetrio runami callarichirca. Chai runaca Diana diosta adorana huasiman ricchatami, cullquimanta uchilla huasicunata ruhuac carca. Chashna ruhuashpaca paipish, shinallatac paipacta ruhuaccunapish achca cullquitami japic carcacuna.

HECHOS 19:26

Shinallatac chai Pablo ima shina nishpa puricuctaca cancunallatac ricunguichicmi, uyanguichicmi. Paica ruhuashcalla dioscunataca ‘mana dioscuna’ ninmi. Chashna nishpaca, mana cai Efeso pueblollapichu, ashtahuanpish tucui Asia llactapimari achcacunata crichishca.

2 PEDRO 2:3

Paicunaca cullquita japingaraicullami, cancunamanca paicunapac yuyaillamanta yachachishpa chayucyangacuna. Paicunataca ña utcamanta pachami, “llaquimanmi ringuichic” nishpa Diosca shuyacun. Chai llaquimantaca manatac quishpiringacunachu.

APOCALIPSIS 18:3

Tucui llactacunapi causaccunami vinota ubiashpa machac shina, chai pueblota c'atishpa huacllirishcacuna. Cai pachapi tiyac jatun mandaccunapish paihuanmi huacllirishcacuna. Shinallatac chai pueblo yallita chayucyanata munashcamantami, tucui llactacunamanta c'atushpa randishpa causaccunaca yallita chayucyashcacuna— nircami.